راح ارتجل وابدي بسرد قصتي.
مكفوله كل چلمة بخت بالدرر.
منين ابدي واحجيلك سبب محنتي.
كلهن مصــــــــايب خلّفاهن قهر.
عشّ البنيته بنص گلب شجرتي.
وچنت أنا ازقلك ترف من الصغر.
ربيتك بحفنة عشـــــــگ فطرتي.
وداريتك مدارة فِــــــــــلح للنهر.
كبّرتك بحيلي واثر جلمتي....
والهسه مختوم بحسرتي الاثر.
لا مرّه شفتك منطوي الحسرتي!
ولاهزّتك جلمة مسامر سهر!
شتكول اعوفك. وانتشل عشرتي؟
هو الجرح مفضوح خل ينفجر.
صارت الغيري ودلهمت ونّتي.
غيّمت روحي وعيني زخت مطر.
صوت الهلاهل.حط أثر موتتي.
جن صوت ملج الموت بذني استقر.
بيش ادعي ربي عل اخذ ونستي.
عل الكاودها غصب وكت العصر.
محروسه بالله وكلت مو قسمتي.
بلجن كلت ترتاح باجي العمر.
ماطولت يمكن سنه حجايتي.
للكبر راحت هيج اجاني الخبر.
والله على فكدك جلجلت ريّتي.
خنكة هوء ومتاني طيفك يمر.
جفك عرس ليش انكرت حنّتي.
يل جرحك بكلبي ونفذ كل صبر.
.. زفتك لجمه ومو مثل زفتي.
.. زفتي البيتي .. وزفّتك للكبر..
.....................
قلمي
ضياء الصافي
صفحة المقطع في صوتيات درر العراق