المشاركة الأصلية كتبت بواسطة ضياء الصافي

سامرت الهوى بسالوفة امحبين
ماضميت كلهن طلعن العندي
محسوبات كلش ما وياهن طيش
وحده اتعين وحده وشمخن بحدّي
صايغهن ترف مثقال شد مثقال
مابيهن دغش تسگامهن شدي
معروفات حسچه معاشرات الچا
أزرّ بيهن جرح مدمول لو يدّي
مابيعن حچي انا اشتري المقبول
اگطع من اصبعي حروف ما جدّي
يلچمني اليگلي حروفك امعتّچات
فِضي خلگي وساير وي خلگ مدّي
چيّمت الحچي الما لاگلي بتنور
شب نار وهفت وانا اضحك الوحدي
يل ساسك رمل ضم راسك من الغيم
عل نگاطة مطر ضل حايطك يرّدي
المعاند جرف لايضل يلهط ماي
البلم فاهي ويضلّ مناطر المردي
تسگام الچبايش خِضرمه عل الهور
يتناغم هوى بصفاگة البردي.
مشلاح اليهد معروف للرماي
مو فارغ فشگ ويجيب وي ودي

موووو حسبة سوالف ...دارمي اني
مِشرّعه بچلمة اهلاً.. داري ماني
وسيعه... ومن احطّلك.. دارمي اني
من اكتبه البيت جن ركة البااااش
ماحوشن من الغير لو لملم اگشاش
قلمي
ضياء الصافي