المشاركة الأصلية كتبت بواسطة ضياء الصافي

.. نستذكر صدرنا المولى بهذه الحروف الخجولة



انفتحت ابواب السمه وبان البياض... وبركة عيونك سمه وشع بيها نور
استبشرت كاعي فرح جاها الربيع..صبخه جانت جارده وكل كاعي بور
غيثك من الله نزل ديم وزلال.... مره يروي ومره يسكي بعرضه هور
حيل واشتمينه بجفوفك نفاااه.. وجانت الدنيا سجن حايطها سووور
صايتك خيمة بخت غطتنا زود... شمرة ذراعك كرم يحوي الحظور
ساحتك منهج ضوه بوكت الضلام.. صار سجينة ضهر للعنده زور
نضرة عيونك سهم جانت تصيب...الهل سبب جانت تحاشاك الصدور
ياصدر يالبيك احس شمرة امام.. اباب بيتك جانت ايتامك تدور
لابس الموت على جتفك يالحياة.. وجنه موته ونركض الشخصك نزور
منبر الجمعه شرف منك خذاه... شما تمر جمعه يضل دمعه يفور
ياطريج الله السلك دربك يفوز..حجايتك بيرغ شرف للعنده شور
نعيش بحروفك رغم حرفك ثجيل.. وهاي امانه وكون تحملها الضهور
غايتك جانت زلم تربى عل دين... ومن تجيها النايبة بصيتك تثور
مسجد الكوفه نبع فاح برجال... كدها وعل اسمك شرط تفدي النحور
نبقى وي نهجك وحق رب السماء.. ونمشي وي المقتدى حد الظهور

ضياء الصافي
قلمـــــي