احــــس انــــذار دخـــلو لمن شافوك
ملك المـــوت جــــان ابســدك ايطوف
حيــــرة وخــــوف بيهـــــم مايكـدرون
الشجاعة البيك حتى اترجف السيوف
صـــارو زرك كلـــش مـــــوش مـيتين
واحــــدهم اكبــــالك لونــــة مخطوف
عطشـــــان الفـــــرات وراد ترويــــــه
لشفـــــافك يكـــــلك انـــــي ملهوف
بضـــربة سيـــف كـــل الكفـــر ينزاح
لــــو وصلـــت اشفافك هاي الجفوف
تذكــــرت الخيــــم عطشانة الاطفال
زينــــب تنتظـــر ودمــــــوع العيـــون
بديتـــــــــــة وتبـــــــدة الكوــن وياه
يهــــون المـــاي بــــس الوعد ميهون
بقـــــــة التاريـــخ صافن هي لحظات
بيهــــــــا اجيــــال والعالـــم يدرسون
يل بوجهـــــــك المــاي وضهرك اعداء
امتحـــــان وبيـــــه قلة الي ينجحون
يبـــــو الغيــــرة وكمر يا راهب الكون
قتـــــــال العــــــــرب عبــاس يدرون
لو تاخـــذ المــــــاي وتوصل حسين
عــــــــن بكــــرة ابيهــــم ما يظلون
سيفــــك بالكــــــراب وواكـــف بعيد
بعيــــنك مـــن تصــــد بيهم يطيحون
علـــــى الكــــاع وجذب ماماتو شلون
بـــــس الخـــــــوف خــلاهم يمثلون
يكطــــعون النفــــس وتغمــض العين
وخاطــــر لاتحـــــــس بيهــم ينامون
واحدهـــــم يعيــــــــش الــدور والله
وبالتمثـــــــــيل هـــــم كامو يموتون
محـــــــد كـــــــابلك ليكابــل ايموت
بظهــــــرك همــــة تسمعهم يونون
التخـــطفة وتفــــــوت ايطيح بشكال
عايـــش مـــــدري ميت يبقة مجنون
يتلــــمس ابروحــــة ايــــــــدور آلآم
هيـــــــــج المــــوت خلاهم يفكرون
عكــــس كــــــل المعارك همة آلأف
وبــــس عبــــــاس انت وراهب الكون
تمشــــي بزودك انـت بزود الحسين
وانــت الـــــي تهــــــد همـة يرجون
بذيـــج الساعـــة ماظل عدهم عقول
ولاضلـــت شجاعــــــــة ومايكـدرون
تحــــش بيهــــم سنابل هاي يمناك
مناجــــل كامـــــــو ابأيـدك يشوفون
يعبـــــاس الكرامـــــــة اتخلف ارجال
مـــــــوش رجال حقــهم من يغدرون
مــــن كطــــعو يمينــــــك ضنو اطيح
وحـــك يســـــــراك مالحكــو يفرحون
بيســــــــرتك طشرتهم وصل علاكاع
وبظلهــــــــــم بقـــــــو يمـك يعثرون
وبظلهــــــــــم بقـــــــو يمـك يعثرون