توكف عالجرف.. امه وتصيحه بصوت
يحن ويطوف ابنها البنهر غركان..
بس المحترك.. وادوره امه شلون.
شماصاحت باسمه تشوف بس دخان
اجه يفصله بدله جديده مالت عيد
مايدري القدر فصل بدلته جفان
الراد ايعايد امه بفجر يوم العيد
خذه منها انفجار وعايدت دفان..
انا الحيرني شغله.. شكد فنادق هاي
صرنه اعله المكابر شو نزف عرسان؟؟!
وطنه شبيك. احنه شقصرينه وياك
غير المكبره.. مالنه بيك مجان
انا الي باع روحه الخاطرك يعراق
انا البسطالي ساحك روس المريكان
انا الضحيتلك.. يالبنه شو ضحيت!!
انا ابن الشهيد بحربك ويه ايران
انا ابنك.. ولائي بس الك للموت
يخسه الطبب سعودي.. لو يوالي ايران

الشاعر
ضياء الرسام