ورجعتله،،،،لا ياگلبي

وانته ماتكدر تعوفه
ليش مو عافك وراح بعيد
وانته بلا صبر لازم تشوفه
تصوريته...
نجم عالي
وكعدت سهران ليلك


تنتظر لمعة جفوفه
مرني ياالماخذ الروح وياك
وبحجة ملامه هم تطوفه
مرني ...زاعلت الفرح
والحزن وانه اصحاب صرنه
مرني بس كت الدمع
من العين عدنه
مرني. وعن ذاك الفراك العشته
انته ابدونه...هم سولفنه
احنه مشتاكين..نسمع حجي مخزن
تره بس هذا الحجي هم يرهملنه
احنه ضيعنه السنين..
السنين الحلوه الجانت تضحكلنه
احنه صالحنه الهموم
وهسه سكنت نص كلبنه
مو بدينه نعوفكم..
بس قسمه ونصيب انكتبت النه
مو بدينه ..نحبكم
وانتوا املنه...
قاسم ابورؤى الدوسري