عشكـ جذاب ..عهد خداع..
ولو روحي وئيدة شوك
وتدور بالصنم شاره
جفل دمعي استحه يندار
عليك وشتت اعذاره
الوكت دزني بدغش مجهول
بسفينه ونشف انهاره
كطفني والحمه عاثور
يدوس بخطوه منهاره
صحاري وعالامل سلسال
حديد وتلتهب ناره
الدرب ضيع خطوته وتاه
بحلالي وضاعت اخباره
واذا هزني العطش ماعود
عله بير الشاعت اسراره
نزف كلبي ملامه وحيف
الترده بنظره غداره
عشك جذاب عهد خداع
طلاسم رغبه سحاره
يدنيني اله ابمقدار
شفاه وحسره عباره
ويصدني جني اجيت بثار
عله ذبحي طبعت اثاره
بنحولي اتوجه عالايام
ويتجيلي الجرح تاره
يظل شوفي رهن مكطوع
غريب وتيه ادياره
اطش صوتي عله بحة اه
والم بجلمه محتاره
وقسم ماعود
بعد ماعود
ويصبح طيفي خطاره