جرح كلمن ينجرح مو مثلي مجروح
وجروح الزمـن كلهه بكلبي تجرحني
تجرحني بكـــلامك وتكلي ما مقصود
بس عوزك تجيني بسيف تذبــــــحني
حيرتني وصرت بجروحي اني ألكاك
لو رحت الــ جهنم هم رحت تلحكـني
ضنيتك تطفيني من العــذاب الصـــار
خيبت ضني بجروحك ردت تحركني
ما فكرت من تحــركني راح تمـــوت
مو عايــش بروحي شلون تحــــركني
ما خايف اموت وروحي كلهه تمـوت
بس خايف عليك تــروح تتـــــــركني
بعد مـا اريــدك تعـتذر كلشي مــــيفيد
لان ما يــوم بــحياتك انتـــه تفهمـني
ولك علمتك عليه أمن ألالـف لليـــاء
وانتــه بكل صلافــه تريد تمسحنــي
حقــك لو ردت تمسحنـي حقـك هــذ
بس اذكـر كلامك من جنت توعدنـي
واذا ما تسمع كلامـك بس الجــروح
خليـهن بروحــي أوليش تسمعنـــــي
ما أكلك نسيتك بس والله راح انساك
لان جــرحك ذكــرني وانته تهملنـي
مو عشرة سنــه ونكـــول هــم تهون
بس عشرة عمـر ارجوك ترحمنـــي
لا تجرحنـي بكـلامك وتـزيد الهموم