صار سنين أدور راحه وأريــد أرتـاح

وأنسى شگد حزن تعب حياتي ومرني وضگته

وتعبت من الدوارة وصــرت ســواح


أريد الفرح ولا مرني الفرح بأحلامي وشفته


منو الشايف عمر ما بيه طعــم أفراح؟!


أنه العمري ماضاگ الفرح بس أحزان حاظنته



وأنه الچتفني الزمن وأيامه ليّه أرمــاح


وعليّ خيله تسابگــن بأچتافي نازلته


وسنينه خناجر يگصن من لحمنه أصفاح


وشخصي ما نزل الهامة ولا رخص بخته

أكابر وأحارب خسارة وماكو أي أربـاح


أظنه الزمـن رابح لأني بشرف حــــاربته



حاربته بصبر وعندي القناعة أســلاح


مل منهن لأن بيهن صدگ هيــــنوب تعبته



نحارب حرب سكته وماكو بيها صيــاح


حربنه من الزغر والجرح ينزف حرگة وسكته



حرب دارت رحاها وصـرنه بيها أشباح


وردنه السلام ويزعل هالزمن لو بيدي سالمته



إذاً ما أسالم زمانـــي خل يحط إجراح


وأشد جرحي واگول الجرح بچفوفــي طيبته