العراقين اغلبهم ما يحبون يتعلمون حتى لو كان اخر تحديث لمعلوماته من زمن نوح قبل الطوفان لان بعده انقطعت كل الاتصالات
اليوم صار نقاش بالكليه ويه ابو الاستعلامات الي بالقسم هو رجال كبير بالسن شعره مشيب
انا السلام عليكم
هو وعليكم السلام
انا استاذ الفلاني موجود
هو (بده يتفلسف براسي) بل الدكتور الفلاني هو مجاي منن الشارع رجال تعب على روحه وصل درجه
انا بس انا كلت الاستاذ الفلاني ما كلت الفلاني
هو قاطع كلامي كل شخص اله لقب يجب ان يطلق قبل الاسم
انا مو كتلك كلت الاستاذ
هو شنو استاذ اكله دكتور يكلي استاذ الاستاذ يكولونه لاي احد حلاق اسطه عربنجي اي شخص الاستاذ وين والدكتور وين
انا بس الاستاذ درجة عاليه والكل تطمح تاخذه
هو (مغالطه منطقيه منه ) يباوع للشخص الثاني بالاستعلامات وهي مره كبيره بالسن مثله ابتسسمت وايدت كلامه وهم كالت مثله كول دكتور وصاحبنا هم رجع يكول الدكتور اعلى الاستاذ ما يصح ان تقال
انا (ابتليت هنا من استشهدت بهل كلام) بس جان جوك روسو ابو العقد الفريد يكول افضل من استحق كلمة الاستاذ هو الامام علي
هو لا تكول على الامام علي استاذ هذا امام مو عادي كبالك حتى تكول عليه استاذ
انا شعلي هو هذا العالم كاله
هو (مازحا) مو شفتني لابس دشاشه تره قاري كتب . روح بابا لا اطيحلك دك هنا اشبعك كتل
انا ظليت اضحك
هو انت باي مرحله ابني
انا مرحله رابعه
هو اها جاي علمود ابحث
انا اي
هو اكعد هنا حد ما يجي الدكتور ولا تكول بعد استاذ
انا شنو رايك اذا اجه الاستاذ اقصد الدكتور نكله شنو تحب دكتور لو استاذ
هو اي ميخالف بس حتى لو يكول استاذ تبقى الدكتور اعلى

رحت للمكتبه حتى اقرا وقلبي ما ارتاح لان ما قنعته وطلعني غلطان حسسني ما افتهم ولا كانو قاري كتب بكد شعر لحيته
طلعت النقال بحثت عن الاستاذ وطلعت اله بحث عن ان الدكتور يقدم دراسات حتى يصير استاذ مساعد وبعده استاذ
رحت للقسم وشفته مره ثانيه ويمه رجال
انا الاستاذ ما اجه هنا
هو رجع يضحك كول دكتور
انا شوف هذا البحث يكول الاستاذ احسن
هو ماعليك بهذول شنو يحجون ما يفهمون شي النبي محمد يكول
انا شنو ما يفهمون شي علماذ وخبصه
هو اي غير يخليني احجي لا تقاطعني (مغالطه منطقيه) يباوع للثاني حتى يدعم كلامه وما قال باطل الثاني هم نزل علي على ان الدكتور احسن
انا ما اقتنع بكلامكم
هو ظل يقرا بخطبه للامام علي
انا شنو رباط عادي هسه اقرا الك الخطبه الشقيقه هم حافظه بس غير اكو ربط
هو انت بعدك زغير وكلشي ما تفتهم من اي عشيرة انت
انا شنو ربط من اي عشيرة المهم عشيرتي كذا
هو من اي حموله
انا من الحموله كذا
هو اها ما يكعدون راحه هذول

الحمدلله طلعو ما يكعدون راحه عمامي جان كاومني هسه
ومثل ما قال انشتاين كلشي نسبي بالحياة
وبالتالي كل شخص يفسر الاستاذ حسب امكانياته العقليه