المشاركة الأصلية كتبت بواسطة ضياء الصافي

المهره تعركـَ من يشب خيّالها..... والمسابكـَ شوكـَ يطري اخيالها
الينتجي اعلى الغير لا يرفعله أيد
خل يضل كاعد يلمّ بذيالها
العين خرسه ودمعة الجاهل صريخ
الما يعرفلها. غلط يبرالها
زفّة العاشك حلكـَ للبيده ناي
من يشوف ايكودّها المو مالها
اليطب ديوان بس اخزرله ايد
شمرة ايده امبينه من منوالها
لاتحدّ بيه سجاجينك رماد
الكاع حره وما تخف برجالها
الوردة تذبل جيف ماتنطيها ماي
وانا افوعن لليشجّخ فالها
الموش كلها.. تميل وي دف الطبول
وانا كتلك. لاتّيّه جالها
هيه شمره وشمرة ..المابيها خير
امبينه بس انظر عدل لشّجالها
الجيله نيه ونية الرماية حوك
بخيته حيل تعّور اليدنالها
الناس موقف.جلمه. فزعه بكل مجان
وبيها ناس تنام وي جتالها
شكد فرق بين اليزفّ بتّه العروس
وبين وحده تنال من اعكالها
الموش الك لاتعلى بيها بكل مجان
وحيل احذزنك واحذّر الكالها
وراح اسد حلك القصيدة وكلي غيض
وجلمتي تكسر ضهر حمالها

قلمي
الان11.01 ص
ضياء الصافي