لــو نـاسيـك احسـن يـمكن ارتـاح
بـس صـدگني أموت ..اشمـا يـمر ذكرك

لأن وي روحـي احسك أنت عايـش دوم
و اذا مـاردت ابـالغ روحـي اعتبــرك



كـتلك اخـذ گلبـي وروح ويـن اتـريد
لـتخليه يمـي ويـبقـى يـنتظــرك

عـانـدت ومشيـت وهـم گلـت معذور
لأن گلـب اليـحبـك لازم أيـعـذرك



ولك عطشـان گلبـي ونـار تسعر بيه
اذا طفيـت نـار البيـه شيضـرك

گطـرة أتطفـي ناري وتبخل أنت شبيك
هيچـي الگطـرة هـاي تـأثر أبحرك


شتـريد و شگـلك وأنت تـدري شلـون
أختلفت انه ويه روحـي ونفـذت أمـرك

يشوفـونك بعينـي شمـا اصـد للنـاس
ويسألـوني عليك ومـا بحـت سـرك


عـرفوك انت عنـدي وساكن بهالروح
لأن عطـرك فضحني شلون أظـم عطرك


گلبـك ما سـأل لـو نـاسي مثلك صـار
شـو رحت ومشيـت ومـا خـذت قهرك


اذا جـاسك بـرد رّد گلبـي قطعـة نـار
بـلا مِنـه تّـدفه و هـل الجمـر جمـرك


خلصـت انـه صبـري وانت مـا رديـت
عجـب للسـاعة بعـدك مـا خلـص صبرك...!!؟؟


كـل لـحظة بغيابـك سنة وعمري يروح
وانت شمـا اشـوفـك تـرجـع بعمــرك