ولاتحسبن الذين قتلوا في سبيل الله امواتا بل احياء عند ربهم يرزقون



أيها الشيعي صبراً رغم كل النائبات
حبّنا للآل غالٍ يستحق التضحــيات
--------------------------●
نفتديهم بالمنايا حبهم طعم الحياة
همُّنا نبقى نُلبي يا علــي للممات




اذا دينك سمحلك تفجر الاطفال ..
اسمحلي اكلك من خرب دينك !ّ

بشرني يحاتم هسه كلبك فاخ ؟؟
من شفت الطفل بالكاع مذبوح
هددت وكتلت الناس كلها اليوم
نص الشعب مات ونصه مجروح




مو طير طاير بالسمه ولا نجمه فضيه
هاي الارواح الطايره كلها عراقيه
بغداد من دون المدن كل يوم مذبوحه
كل يوم عدنه مجزره واجساد مطروحه
الموت يمشي بالدرب وينه اليضم روحه
ذيب وتبعهم بالأثر والناس مجروحه
الدم بالشوارع من جره البيبان مفتوحه
ياهو بقميص ابيض يمر والنزف ميلوحه



البقيه بحياتك يا عراق الخيـــــــــــر
ولو ادري بحياتك هـــم كَصيــــــــره
تعال وشوف ناس اتذبحت بــــــلكاع
وهواي اجﻼب اجت من غير ديــــــره
مصير اﻻمة صاير ع السياســـــــــات
وحاير هـالشعب ما يعرف مصيــــره
حيره وداعت الله شباقي بيه النــاس
ويا حاكم يجينه ايزيد الحيــــــــــــره



اريد ارسم صورة من دمع العيون
واريد اليوم كلبي يصير دفتر
واول شي ارسمه لهاي الاوضاع
ارسم وطن غافي وبظهره خنجر



هـيـچـي يايمه بسرعه تـرحـين
حتى كلـمـه الله ويـاكـ مـاگلتـي
مـن ارجـع شسولف للجـواريـن
اگلهم يـالـعـزيـزه شلـون رحتي
لـو اگلهم زعلانـه يومين وتردين
خايف ماتجين وتنكشف قصتي
انه يمه صغير ومو حمل الفراگ
بدونچ يايمه مـا اروح مـدرستي
احلفچ بروح ابـويه گـومي وياي
اخاف من الطريق البي عثرتي
حسبي الله ونعم الوكيل...



(خذاك الموت) يمه وأنت اظن تعبان
سوده بوجهي يمه اشلون فاركتك
رايح (تشتغل) والعوز شد وياك
(المساطب) من كعدتك حيل عاشكتك
ادعيلك ييمه وهل دموع اتسيل
بيد الله ييمه بليله سلمتك
(أنخي الزهره) يمه ترجعك لهل بيت
من ابنهه احسين والعباس ناذرتك
(أنفجار) الناس صاحت صحت يمه هلا
أنفجر كلبي ييمه الصبح ماشفتك
جابولي (نعش بي راس بي جفين)
مكطع يمه هيج الناس شايلتك!



دوخني المغيسل ماكو شبان
على الدچة ذهب كلهم يلمعون


لن اقول شئ بعد ذلك فالدموع خير تعبير
والسلام