بعد تعذرني

كون بوجهك اتسرگن
گضت .. ماعندي الك بيبان يندگن

دست بجدامك
اعله اطراف ماتنداس
وگــلت اعثــوگ خــوه وباجر يلحگن

وبعتني ..
ابسعر نزوه
وتدري بيه ابيش !!
وگلتلك لاتهم والصارن انسحگن

بس ماغزرت
فحطة جدامي وياك
ولا بعــيونك اثگال السچچ شهگن

من تالي
عرفت الگنطره تنسام !
ومن تالي دريت شطوطك يغرگن

حجيت طلابتك
للغجر گالو عيب
والمفرعات سمعن بالحچي وعرگن

بعد مالي محطه
ولالي نيه وياك
وخطوط المواصل بيدك انشگن

دفنتك
ســالـفه
ودمـــعه
وقصيده
وحــــيـف
وأرسومك الحلوه بخاطري احترگن !!