الوضوع بالعراق حيل تعبان وسمعت راح يتعب بعد اكثر فقررت اشوفلي شغله ثانيه ويه شغلتي قبل ان يوقع الفاس بالراس
وبعد تاملات كثيره لا مكانياتي قررت استمثر قراتي للكتب
فلكيت اكثر شي يشترون الناس من المكتبات كتب الطبخ وتفسير الاحلام
الطبخ صعب ما اكدر اخوض بيه فقررت اصير مفسر احلام
قريت كم كتاب تفسير احلام وشاهدت مسلسل يوسف عليه السلام حتى اضيفه للسيفي مالتي
والحمد لله الله بعث الي اول زبون والي جان صديقي كلي ياخويه ياهاني البارحه حلمت حلم عجيب
كتله شحلمت كال حلمت جني ( مو من الجن بل كاني ) اعبر النهر وخال ( واضع) على راسي تمر
كتله حلمك سهل ابشر جايك بالطريق خيرا كثير
هنا هو فرح فراسا كتله بيت شعر فوددت تقبيل الفلوس لانها لمعت كبارق ثقرك المبتسم
كتله ياخويه انت راح اشارك بذا فويس وراح تغني كبال كاظم الساهر تغني عبرت الشط علمودك خليتك على راسي
وراح يختارك كاظم وتكون من ضمن فريقه
بس المشكله الي صارت ان صديقي اشترك بذافويس للصغار ومن شاف نانسي زحف وغنى احبك اه
فعرفت ان اضغاث الاحلام لا تفسر