المشاركة الأصلية كتبت بواسطة ضياء الصافي

نظرتُ لها فانتابني شعور الامل...
أحسستُها كلمتني بشفاهِ قلبها ....
فصار قلبي يدق ويدق..
وأعطاني إشارة الوصف.بإيعاز العقل.
فتحركت يدي ..وانسابت أناملي بلهفة الشوق.

هاي ياهي بداعة عيون اليشوف.. هم نظركم مثل شوفة عيني
غصن يمشي بطول متروكز جمال.. يميل ويصيح الهوى ماذيني
شفت بيه روح الكصب من يطي ناي.. يعزف بدكة عشك تهديني
روحه ترفه تعيش وي ريح الجنوب., ولو مطر زخة ترف يسكيني
سحر بعيونه ،غفل صابني شوك.. هيج واتعثّر كمت بسنيني
فوك متنه الليل يسري بلايه ليل.. ليله لو ابرد هَوى يغطيني
وجّنى تفاحة صبح مغموسة طيب.. خجل بس بيها الخجل يعميني
ثغره تين وشفّه طوكها الحنان.....عسل يتناكط اذا يحاجيني
ما اطول بالوصف ممنوع ابوح... هواي بيك اوصاف لو تدريني

سگم وانفض دمع عيني.. وره جفاك
بعد ياچف درء بهمـــي.. وره جفاك
ضگت كل ريج ماينفـــع..وريج فـاك
أحس طعمه من أهد ذيچ المسيه

بقلمي
مهداة......
ضياء الصافي