علي بطاري اسمك اعيون اليتامى تنام

بس يغفن بألمهن والجفن يدمع

يتامى ابطونهم ما لكت حل للجوع

والما يلكة حل من الصعب يقنع

علي منين ابتدي وانت تعرفهن زين

علي الشباج اسئلة شكد قصص يسمع

علي كون بعهد جنت انت تحكم بي

ترتد العقارب والزمن يرجع

ولو مو دوم لو بس ثانية كد ما

الايتام الجياع من الخبز تشبع

لان ما تطعم اللكمة ابمقابل صوت

ما تنطيها مرة ومرة لا تجزع

علي ما جان الك يد بتجارة ومال

علي عن كل هذن من الذكر ترفع