مو عيب اليحب لامو حرام الشوك
بس عيب وخزي ولليوكف بدربة
كالولي ابتعد دربك ترة مسدود
بأسلاك وحواجز والطرق صعبة
كلت أعبر واجازف واليصير يصير
أخسر دنيتي وما أخسر الصحبة
انه معاشر وفي ماعاشرت بذات
ذاك الينسحب من تخلص الرغبة
رادوني اعوفك كلت لاهيهات
شلون يصير واحد يغدر بحبة
صرت سلاح بيدك والعدو مرعوب
وانت اسلاح الية وراس للحربة
لايهمك كلام الناس واليحجون
خلها الناس تحجي ابعاد والكربة
مجنونه الخلك يريدوني انساك
ومايدرون كلبي ينبض بكلبة