مبروک لمـن هاجـرت
بس ما بريتـك ذمـة !
فـوگ البـلم من هاجـرت شفتـك .. صعدت بهـمة !!

خفـت إعلى روحـك وأشردت..
بس هذا أخـوک إلــ بالحـرب من طـاح رادک يمَّـة

من لاحـه قنـاص ووگـع چا جبتـه لأمـه تشمـه
من طشرتـه القاذفـه ..
إلـ ما لاحـتك إنت وهلـك ، رِد فضـله لأهـله و لـِمه
مو بالشـوارب ؛ #موقفـك باچـر يحسبك زلـمه !

ضحكـوا عليك وهاجـرت.. جوعـان ؟
أگلك چذبت
لا...
عـدنه خيـر ونعـمة

عنـدك وطـن يسـوة الدول بس أحنه ما نفتهـمة
باچـر إذا داعش دخل ياهـو اليـحامي الـ يـمه ؟!

أنت شردت.. وأنا أسكتـت ؛ ظل الوطن لأم طيـرة
أنا ويه داعـش مبتلـش وأنت بهذيج السـيرة.

لا دگلي #سني وهاجـرت ؛ چا ما حمـيت الديـرة ؟!
و لا أدگلي #شيعي وهاجـرت ؛ لا هاي بعد چبيـرة !
چا ما وفيـت المرجـعك بالفتوى يا أبو الغيـرة ؟