نسيم الجنوب.شعر شعبي جميل.بقلم ضياء الصافي
الى الضمير،،(قلمي ومايكتب)
بواسطة ضياء الصافي, 3rd September 2015 عند 03:18 PM (586 المشاهدات)
المشاركة الأصلية كتبت بواسطة *ضياء الموالي*
والله مخنوگ وترافة حس أديك
بيه ملمس صاحني وجرني بحزن
گلي بالله ،بداعتك،ياهو الخذاك.
شنهي ملو شنهي متروس الحضن
شنهي باعوك ولگو بيك المزاد
ادري غير تگول خاطر ما أضن
خاطر أسحب چلمتي من يا مچان
واحترم نفسي وأكضها او أستچن.
خاطر أنكر ما أگول فراشه ماي
ولا أگول الرمل صايرله وطن
هيه روحك وين ما تنهض تگول
لاتخليني أسطّرهن محن
لاتخليني أفرعّ مثل أبوي
گوم شد حزام وازاك الزمن.
گوم وانطيني حذائك وأستراح
ارد اخليها على روس اهل الفتن
أرد أفصلها عگل للرؤساء
ولبو الربطه أرد أعلگها رسن
عيب أخجلوا الراح موهيّن وانام
الراحت اورود وبعد مايُشترن
بقلمي
سيد ضياء
إذهب إلى الملف الشخصي
إجعلها كمقروءة
