بحبيبك ياالاهي كلي شمسوين
ونتعذب يربي بهالطريقه
تنطيني العمر ياربي وتمن بي
اخذ مني العمر ماعاد اطيقه
شنصبر يا الاهي وحنه مو ايوب
وهاي الناس ما عدهم وثيقه
يجينه عمامه لابس يا الاهي شلون
ما نعرف الجذبه من الحقيقه
يجينه الضحكه تلمع من الاسنون
وبد متفاركه الضحكه دقيقه
اامن بي يربي وسري احجي
وبس يبعد علي يغدر صديقه
الاهي بحق محمد اخذ مني الروح
شمتاني بعد ياربي كلي
مو بس الكلب مجروح لا والله
انه مشرح صرت مجروح كلي
اجروح الصديق الهشمت لعضام
وجرح ليهسه ينزف اثر خلي
صديقي الي طعني طعنه الموت
وحبيبي الي تركني وجان ضلي
بعد بيمن اثقن كلي وشلون
يربي كمت اشكن حتى بهلي
وحدك ياالاهي عالم الغيب
ونت اعرف بنيتي ومني ادره
احط روحي بقدح للكال عطشان
طيب كلبي لاكن منو يقدره
الاهي بحق وليك حيدر الكرار
توفق كل كلب صافي وتطهره
بحبيبك ياالاهي اني اناجيك
اليحفرلي من جوه انته عثره