افوت بزود صدري وما يكضني الروج
اسحكهه الصعاب بصدري اذلنهه
اكَابلهه بوجه باشط يشكَ الماي
وانه بمكَفاي اطشنهه والمنهه
انه الما اصيح ايدك مدهه الي ارجوك
اكَصهه من الزند لو ايدي امدنهه
انه بكَصتي الشمس رسمت ملح تموز
و لا اكَعد بفي الما اريدنهه
اطيح انه نعم بس طيحة العنكَود
شكَد روس من اطيح بذله ادنكَنهه
سالوفه بحلكَ غمان ابد ما اصير
اعرف وين روحي من ارد احطنهه
انه بحلكَ المضايف سالفه ورباط
عكَال وعرشي روس ازلام اعرفنهه
انه بطيبة كَلب من اكشخ وي الناس
مو كشخة هدم ساعه واذبنهه