كشكول هاني
ثلاجتهم وكيزرنا
بواسطة Hani Yaqoub, 4th August 2015 عند 03:16 AM (404 المشاهدات)
يكلك الاسكيمو الي ساكنين بالقطب الشمالي يستخدمون الثلاجات لحفظ الاكل من الانجماد
والي قره هل المعلومه هسه واحد من ثلاث اشخاص
اما ان يتفاجئ بيه ويفرح وما يصبر اله يشاركه وهذا موبيده الدي ان اي مالته هيج , تلكه واحد من اجداده عالم مقضي لياليه بقراءة الف ليله وليله
واما يقراها وما يتفاجئ ولا يهتم للموضوع وهذا ايضا موبيده تلكه احد الاجداد جان مقضيه على الحصن ويوميه طلابه ويه قبيله علمود وحده من الصاكات
اما القسم الثالث هو بالحقيقه من هل القسمين لكن صار فتره طويله بالنت فصادف هل المعلومه شي طبيعي ردة فعله مثل القسم الثاني
فانا كلامي للقسم الاول
تدري بالبصرة نستخدم الكيزر لتبريد الماء الحار كلي شلون
انا اكلك و اكلج(مابيه حيل حقوق المراة لازم اوجه الكلام الهن هم )
لان الكيزر بالمعتاد يكون جوه واغلب الاحيان عليه فياي (ظل لمن لا يفقه اللهجه العراقيه) فيكون مايه بارد فالسباحه بيه افضل من ماي تانكي مباشره الي هو جزء زغيرون من عذاب جهنم .
ها
تعجبت لو لا من هل المعلومه اذا ما تعجبت فعلم انك انحيازي وتابعي للغرب وبسببك ما طورنه واذا تعجبت راح ازيدك معلومه ثانيه
من خلال هل الكلمات تم اثبات ان وزير الكهرباء يا مو عراقي يا ما عايش بالعراق وله جان عرف هل الحجي
ومثل ما قال ابو المثل
والله حاله
إذهب إلى الملف الشخصي
إجعلها كمقروءة
