المشاركة الأصلية كتبت بواسطة *ضياء الموالي*

اتيتكم بقصتي منذ طفولتي
وجسدتها بقصيدة
اليكم القصيدة
............................................

أدريبك أنته أهجرت.. بوسط الكلب من رحت.. وجيت بيه النار
ضليت اون عل المضى.. ياوسفه هجي كضه.. وافرك رحه عل الصار
مو انا هو البدى.. هو الكشفلي المدى.. وحبينه واحنه اصغار
كلبي انفتح وانشرح.. وعيوني اجاها الفرح.. رحبت بالخطّار
************************
وتمشي الليالي وتعد.. وبستان الك من ورد.. بالكلب ضل مزروع
حبك بنيته وعله.. وصار الكلب بيت اله. وبعكلي ضل مطبوع
وضليت لمن تجي.. ونتسامر بهل الحجي.. اعلك العشره شموع
اتضل عيني بس عل الدرب.. ليمت تمر يالمحب.. وتهل فرحها دموع
ولمن تجيني وتمر.. صحرء وجيها المطر.. خضره وعشبها يفوع
**************************
صارت وسط مهجتي.. وغايتها من غايتي.. مانهتم بشمات
شكد حاولوا ابتعد..عنها وبعد ما ارد.. ونساها وانسه الفات
شلون انسه عشك الصغر.. حبها بكياني كبر..وما بيه أثر زلات
ورده بحناني اكبرت.. ومن ماي عيني ارتوت..شمخت على الوردات
شمحلانه نكعد سوى..ونحجي على معنى الهوى.. ونسهر على النسمات
**************************
فاركنه وسفه الزمن..وخلانه باصعب محن..وشبه انتهى المشوار
ابقى على طرف الامل..وما استهين بسهل..واتحمل الي صار
أنطرله مثل الكمر.. واتعوّد على السهر.. هلبت يمر خطار
عاد ورجع من رجع.. زاد بدليلي الوجع.. وفوك الوجع شب نار
كال الليالي تجي.. او تسمع توالي الحجي..وعقلك يضل محتار
***************************
ساعة مصير الهوء.. كربت على الي ارتوى.. من ماي عيني وكبر
بلحضه البنيته نهدم..وكمت ابجي دمع الندم.. من راح عشك الصغر
صارت الغيري ومشت.. انخى الله بالهلهلت.. ماتنسعد بالعمر
وادعي الرمه بتفكته..ترجع عليه طلقته.. ويصير بيه وذر
وسيارة الزفتك.. انخى الله بمحبتك .. بيت الصعدها انهجر
****************************
ميفيد كل الحجي.. وبطلت عيني بجي.. بس يبقى حبك نبع
من يمي صافي وعذب.. ومنبعه بوسط الكلب.. ومازله هذا الطبع
بلكي الكلب يسألك.. وتذكر محب جان الك.. يعلك العشره شمع
بس طلب واحد الي.. من تمر سلّم علي.. ولتخاف خلك سبع
مادام عندك كلب.. وعندي كلب يالمحب.. صعبه الكلب يندار
حبينه واحنه اصار

ضياء الصافي