تانيتك تجي وتسكت الشمات
كلو گلبي بغيابك قطعه قطعه
تعال ولا تخلي البال مشغول
صعب فرگاك ما اكدر اجرعه
اظل طول عمر ناذرلك عيون
دم تذرف بدل ماتهل دمعه
انه عگبك صرت مابين ظلام
اسير بنص غرب عافوه ربعه
ما اكلك اريدك دوم موجود
وانتظرك عمرك لو بيك رجعه
معقوله الوكت نساك يفلان
العلگ روحه الك بالليل شمعه
اذا انت بعتني بيك القصور
انه زلمة بخت والوفه طبعه
انه دلة مضيفي ماترد ضيف
وبالكلفات ما محتاج فزعه
اذا طبعك غدر وتخون خلان
انه ماخون لو ملكوني سبعه
يظل گلبي الك دام النبض بيه
لذلك راح اشك صدري واطلعه
مد ايدك وشلعه مالي لازم بيه
بسمك ينتخي من ارد اشلعه


بقلمي / أسد ...