مثل من ابو الامثال
(رب ضارة نافعة)
هذا خوش مثل واله علاقه خاصه ويه العراقين والتشيع ( الترفض حسب قول البعض ) وقبل لا احجي علاقته ويه العراقين والتشيع لازم اوضح شنو يعني هل المثل لان البعض ما يفهم الفصحى ويفهمون لهجتهم بس والسبب هو التهو بعيشتهم وعبادتهم من حيث العمل عبادة
المثل يعني من واحد مرات يطيح حظه والدنيا تسود بوجه وتمر عليه مشاكل تخليه يفقد صبره ويظل يدك على راسه بعده يكتشف ان الي مر بيه جان لمصلحته وبسببه احواله تغيرت وتحسنت ويظل يحمد ربه ليل نهار على الي مره بيه
مثل بسيط للتوضيح لاخواني واصدقائي الغير مهتمين بالعراق او التشيع لكن يهمهم معرفة المثل
يكلك (يقال )اليابانين جانو مو خوش ناس ويوميه طلابه(عركة) ويدورون الطلايب(المعارك) دواره فتعاركو ويه المريكان واحد فشخ(ضرب) الثاني بس جانت ضربة اليابانين للامريكان كلش قويه وبضربه وحده مباغته للاسطول الامريكي بميناء بيرل هاربل قتلو بالالف هنا الامريكان انتقمو بقنبلتين نوويتين طلعو بيه اليابان من اللعبه وعلنو بيه كيم اوفر
وبسبب هل الحادثه اليابانين صارو خوش ناس خلقا وخلقا (للي يحب شكولهم )وتحسن اقتصادهم واحوالهم وفادو البشرية كله ببحوثهم وانجازاتهم
فجانت (كانت)هذه الضربة النوويه الي هدت حيلهم (قوتهم) نافعه الهم
,,,
هسه نجي للمهم وهو علاقة المثل مع العراقين والتشيع
...
قبل 1000 سنه
المأمون جان داهية بني العباس ويحسب للزغيرة والجبيرة حساب والي يقرا تاريخ بني العباس ما اعتقد يلكه شخص بذكائه من حيث كدر يخدع الكل الا المعصوم وخواصه
بالظاهر جان يدعي التشيع وهواي الى الان يتصورونه جان شيعي لان غير زي بني العباس الى زي العلوين والي جان اخضر وجعل الامام الرضا عليه السلام ولي العهد
نقل الامام من المدينه الى دولة ايران حاليا حتى يقيد على الامام خوفا من الامام يسقط حكومته
وبسبب وجود الامام هناك صارت قاعدة قويه ثمرته ان دولة ايران شيعيه
فكان ثمرة هذه المضره هو منفعه التشيع
,,,
قبل 20 سنه
صدام حسين لعب جوله باهل الجنوب والوسط راواهم نجوم الظهر بيوم الكسوف طبعاحاربهم على الشعائر و قتل بكد ما قتل الحجاج واكثر وسوه كلشي يطلع بيده حتى يمنع الشعائر بالتالي هجول الناس بدول العالم شاردين بروحهم العزيزه وثمرة هل البلاوي الي مرة علينه هو نشر التشيع بدول العالم من حيث لا يدري
ومثل ما قال القذافي سنغزو الغرب بالاسلام غزو العراقين العالم بالتشيع وانتشر انتشار مو طبيعي
لان العراقي وين ما يروح ينشر عاداته وتقاليده ودينه ومذهبه وسلبياته ويجابياته
وفوكاها بعد يتكاثر بسرعه والفضل يعود للتمر ولبن الهوش الي جانو ياكلوه
فمارسو شعائرهم بكل اريحيه ونشرو التشيع
فكانت مضرة صدام نافعه هواي وتستحق دراسه لوحده
وبالمناسبة صدام حذ ا حذو المأمون قرب بعض العلماء وزار الامير وبين هو ينصر التشيع بس زاد على المأمون بان طلع اله نسب يوصله للامام الحسين عليه السلام
,,,
قبل سنه
انتشر الفايروس الداعشي بالعراق كنتشار النار بالخوص والكصب
دمرو مناطق بحاله وهجولو عشائر كامله فقتلو واغتصبو وهددو بغداد بكلمة قادمون ويقدمهم خليفتهم الي يقول عنه القران يقدم قومه يوم القيامة فاوردهم النار
فظهرت نواذج الشيعه بكلمة الجهاد الي طلعت من النجف
وحدو صفوفهم وسلو سيوفهم واخذولك داعش كحف ومستمر الكحف الى الان
فداعش المرض الي اكسبت العراقين مناعه ضد الامراض
وكانت ثمرته جيش عقائدي قوي لا يستاهن به ويحسب له الف حساب
قلوبهم تسبق اجسادهم للقتال وان شاء الله يكونوا قاعدة لجيش الامام عجل الله فرجة
,,,,
المشكلة الي واجهتني
افكر بالفصحى واكتب بالعامي
,,,,,
المشكله التي ستواجهني
الحجي السابق بنظر البعض طائفي بعض الشيء
الرد الفلسفي على هذه المشكله
من حق كل انسان يفخر ويتحدث ويحمى بعض الاحيان بخصوص ما يحب وما يعتقد وما يهوىمثل ما البعض يدافع لفريقه من غير دوله بشراسه والبعض يدافع لشركة الي صنعت موبايلة كانو عنده سهم بيه وبعض ينصر روسيا والاخر امريكا كانو بوتن او اوباما ولد عمه
فانا من حقي وحقي الجميع الدفاع والتكلم باريحيه مطلقه (اول مره استخدم هذه الكلمه بهذا المعنى فجميع استخداماتي لها تعني المرة المطلقه ) عن ديني ومذهبي وناسي واهلي
،،،،
فوائد الحجي الفوك
1-حفظ ايه يقدم قومه يوم القيامة فاوردهم النار
2- حفظ مثل من ابو الامثال
3- التركيز على المفردات العراقيه والتاكد من عدم اندثاره
4-الشعور بالعبقرية بسبب الفهم السريع والاحساس بالقدره على التعلم
5-الاستغناء عن قراءة كتاب شرح الامثال
6-نشر التشيع باسلوب الفيس بوك
7- دعم الحشد الشعبي باسلوب عصري فيسبوكي
,,,,,,,,,
مصادر الحجي
1-فلم بيرل هاربل
2-قناة الشباب
3- بعض الكتب التاريخيه
4-القران الكريم
5- اليوتيوب
6- الفيس بوك
7- كعدتي بالشارع وسوالف اصدقائي
8- العائلة
9-معجم لسان العرب
10- دماغي