زينب بالطفوف ميسريها
هاشم وين ما تفزع عليها
ما جانت على البال
زينب تصل هل حال
زينب بالطفوف ميسريها
============
من طاح الكفيل وراحت الوليان
هجموا عل خيام أشرارأهل كوفان
زينب صارت بحيره وكلب لهفان
والوالي عليل مـن المرض نحلان
خلاف شيال العلم
نار تلهب بالخيم
زينب بالطفوف ميسريها
============
كبعت بالحزن زينب تهل عـبــــــار
عدها بالخيم ضل مهجة المـــــــختار
بفراش المرض مطروح ماله نصار
نادت ياعلي ياحُــــــــــــــجة الجبـــار
كلي شصنع آني
والعسكر ولا ني
زينب بالطفوف ميسريها
===========
كال أله يعمه أتوكلي عل رحمـــان
سلمي أمرج وأمري الواحد الديان
اخبري اطفالنه خل تضرب الوديان
يسحكوه يعمه بخيلــــــهم عدوان
الباري ينضرالمصرع
وعيون السمه تدمع
زينب بالطفو ف ميسريها
================
ساعه ولن شمرهم يصرخ بصوته
كفيلج عل نهر مطروح خليــــته
وحسينج يزينب هل خفه صــــــوته
والأكبر يزينب حضري تبابـــــــوته
كومي رجبي عيالج
يزينب دبري حالج
زينب بت علي وميسريها
============
نادت يا علي يا داحي البيبــــــان
عرش بلقيس جبته للنبي سليمان
حضرت من المدينة ودفنت سلمان
أحظر ياعلي ضلينه بس نســـوان
يمجندل ألأبطال
أحضر بويه بالحال
زينب بلطفوف ميسريها
============
يحيدرهاي نسوانك مشت يسره
من بعد الكفيل ألهن زجر يبره
حالت زين العباد أصبحت خطره
مجتف بالحـديد ومحد ينصـره
يابويه الكمرغاب
صرنه بولية جناب
زينب بت علي وميسريها
خادم الحوراء (ع(
السيد كاظم الشرع الموسوي