آه يازينب
=======
آه يارينب يبت طـــــــــــه الأمين
شلون حالج من رجع مهرالحُسين
يصهل ويجري الدمع
ينادي الحسين نصرع
والشمرحزالنحروالودجين
آه يارينب يبت طــه الأمين
====
شلون حالج من رجــــع ليج المُهر
يسحب عنانه ودمــــــــع عينه يخر
يصيح طاح حسين على الغبره وذر
لون حاضر والله عبــــــاس الكمر
جان مــا جسرت علوج ألمُجرمين
آه يارينب يبت طــه الأمين
===
شلون حالج يبت حمّاي الحـــــمه
من لفاج الغوج مخضوب بدمـــــه
أدري فكرج راح لمج فــــــــــاطمه
ذكرتي بالتأكيد ذيج المضــلمــــــــه
ذكرتي يوم الباب وسقاط الجنين
آه يارينب يبت طـــه الأمين
====
عفه صبرج زينب الموقف حرج
حين شفتي المُهرمكلـــوب السرج
خالي من حسين أبوالتسعه الحُجج
أضن فكــــــــــرج راح للكوفه ولج
ذكرتي كـوفان وغدر والد حســـين
آه يارينب يبت طـــــه الأمين
===
شلون حالج زينب بهاي المحن
حين شفتي المُهريسحب بالرسن
أدري فكرج راح يم جبد الحسن
ذكرتي سَم المجتبى وذيج الفتن
تذكريتي النعش وسهام اللعين
آه يارينب يبت طــــه الأمين
===
شلون حالج يبت حمّاي الدخيل
حين رد المهر يصهل بالعويـــــل
خالي من حسين بس غمد الصقيل
بالخيم ما ضل زلم غير العليــــــل
والكفيل مكطع اليــسره ويمـين
آه يارينب يبت طـــــه الأمين
===
عفه كلبج زينب شحامــــل قهر
من نزلتي وشفتي بعيونج شمر
فوك صدرحسين ويحز النــــحر
أدري فكرج راح يم فارس مُضر
صحتي وينك يـا أمير المؤمنين
آه يارينب يبت طـــــه الأمين
===
شلون حالج يخت عباس الكمر
من غفت عين الكفيل على النهر
وهجم للصـيــــــــوان بنذاله عمر
أحرك خيامج وفرهد للخــــــــــدر
عكب أبو فاضل بكيـتي بلا مُعين
آه يارينب يبت طــــــــه الأمين
===
آه يا زيـــــــــنب يبت عقد الوله
شلون حالج مـــــــن لفاكم حرمله
وقيدوّا زين العـِـــــــــــباد بسلسله
وجابوا أعجاف الهزل للـــــــــــعايله
ياهوّ ألركب بـنات المرسلـــين
آه يارينب يبت طــــه الأمين
=====
شلون حالج من حده حادي الظعن
وعفت أبوالسجاد عاري بلاجفن
تزوره عُسلان الفله تنوح وتون
والهواشم عالصــــــــعيد بلا دفن
وانت رحت ميـسره ويا الفاسقين
آه يارينب يبت طـــه الأمين
====
أقسم برب العرش والمعــــــــتقد
من الصبر مخلوقه يا بنت ألأسد
جزه صبر أيوب صبرج ماله حد
ياهوّ مثلج يصــــبر بهاي الشدد
ونعم من صبـرج يبنت ألأكرمين
آه يا زينب يبنت الأكرمـــــين
أشلون حالج من رجع مُهرالحُسين

خادم الحسين
سيد كاظم الشرع الموسوي