عظم الله اجر ام البنين
========
عظم ألله أجر أم البنـــــــين
ساعد ألله كلب أخت الحُسين
حسين وجه عل الصعيد
عل نهر مرمي العضيد
ساعد ألله كلب أخت الحُسين
عظم
من بعد اليسر آمر يزيد الشام
ترجع للمدينه بت علي الضرغام
ردت هل الحرم متحـملــــه بآلام
تشجي للكفله الشافته بالشــام
رجع ظعن ألعايله
بالدموع ألهامله
ساعد ألله كلب أخت الحُسين
عظم
وصلت للعراق وعاينت دربـين
واحد للمدينة واحد أعلى حسـين
نادت زينب بحسره وألم ووّنين
يعابد خل نروح أنواسي الطيبين
نزور كبورأهلنه
ونعزي ألكفلنه
ساعد ألله كلب أخت الحُسين
عظم ألله
جالن عل كبربالحسره ولأحزان
ليلى وزينب وجلثوم والنسـوان
هذا الماي أشرب يالمتت عطشان
بلجت ترتوي وتستقبل الرضعان
ردت من يسره=مفجوعه بهله
ساعد الله كلب أخت الحُسين
عظم ألله
خذن جولات يم كبرالغريب حسين
كامت تلتفت زينب يســــــار يمين
كال ألهَ علي يا عمه شدوريـــن
كالتله على خونه مكطــع الجفين
نطلع سهم البعينه
ونرجب الجفينه
ساعد ألله كلب أخت الحُسين
عظم ألله
وصلة للشريعه بلوعة الآهـات
يم كبرالكفيل وتسجب الدمعات
تكله خويه شحجيلك يبوالكلفات
عساني ميته ولاطبت الشامات
عنكــــــــم ينشد يزيد
ويسب علي الصنديد
ساعد ألله كلب أخت الحُسين
عظم ألله
ثلث تيام ضلت والكلب مجروح
من كبر الكبرتفتر تجيم النوح
كاله علي ياعمه خل نــــــروح
نعزي فاطمه بحسينه المذبوح
كالتله يعمه
شتعذر من أمه
ساعد ألله كلب أخت الحُسين
-----------------
عافوا كربله وكصدوا أرض يثرب
حين العاينوا حـــــــي النبي كرب
العابد كلف الحادي بشــــــر يكتب
شعر ويروح يم كبر النبي ينــــدب
يخبرهم بذبح حسين
والعباس والجفين
ساعد ألله كلب أخت الحُسين
عظم
بشرطوح بصوته وعلن ألأخبــــار
وصل كبرالنبي يجري الدموع عبار
صاح بصوت عالي وسمعته كل دار
جزاكم سومه ألبستوا الشنر والعار
يا أهل المدينه
تلكوا هل ضعينه
ساعد ألله كلب أخت الحُسين
عظم
الوادم طلعت بلعوه وحزن وونين
طلعت كل أهل يثرب تهل العــــين
وتصيح بألم يا وسفه راح حسين
نهدم ركن الهـُدايه وما بكاله معين
نجمت تصرخ الناس
تبجي وتلطم الراس
ساعد الله كلب أخت الحُسين
عظم
لفة أم البنين وأوجبت يمـــــــــــه
كالتله انشدك ليش هل المـــــــــــه
اشوفك مسرع الكبر النبي بهمـــــه
أسمعك تنعى عل المظلوم أبوأليمه
ليمته يعود النـــــه
حسين وبيه نتهنه
ساعد ألله كلب أخت الحُسين
عظم ألله أجر أم البنين
----------------
نشد عنه بشروستفهم مـــن الناس
عرفه وكام يحثي تراب فوك الراس
بكه محتار شيكله على ابوالنوماس
خاف تموت لوخبرهه عــــن عباس
صار يضم ألأسرار
عليه يخفف الصار
ساعد ألله كلب أخت الحُسين(عظم

كال إله يحره يل تنشــــــــــــــدين
ثلاثه طاحوّا أشبولـــــــج مطاعين
كالت له يناعي حجلي عن حسين
المهم سالم يرد وينصــــــر الدين
فدوّه كل الولاد
سالم أبوالسجاد
ساعد ألله كلب أخت الحُسين
عظم
كال أله بشر ياحره زيــــــــــــدي النوح
ظل حسين دامي على ألأرض مطروح
تعناله شمروالسيف بيده يلــــــــــــــوح
يا حره ورضيعه بالســـــــــــهم مذبوح
وخلافه العقيله
مسبيه ونحيله
ساعد الله كلب أخت الحُسين
عظم ألله أجر أم البنين
خادم الحسين ع

سيد كاظم الشرع الموسوي