ساعد ألله كلب أم الحزن)))
-----------------------
ساعدَ أللهُ كلب أم الحــــــزن
عافت أخوته عرايه بلا جفن
شلون تمشي ميسره
تعوف هله عل الثره
ساعدَ ألله كَلب أم الحزن
---------------
من طاح الغريب توســــد التربان
زلم ماضل بالمخيم بكت نسوان
بس واحد عليل من المرض نحلان
من بعدالكفيل إتلاهبت نيـــــــران
فرحانه الأراذل حركة الصـــــيوان
ولأطفال تفتر بالخيم مــــــــــيدان
النــــار تلهب بالخيم
من عكب راعي العلم
ساعد ألله كلب أم الحــزن
----------------
أجت أم الحزن تجري الدموع أعبار
بدمعته الحزيـنه اطفي ذيج النــــار
عده بالخيم ضل مهـجة الكــــــــــرار
بفراش المرض مطروح ماله نصار
تنادي ياعلي ياحُــــــــــــجة الجبار
هاي الكوم أجتنه يبني يالمـــــــغوار
كلي شصنع آني
والعسكر ولاني
ساعد الله كلـــــب أم الحزن
--------------
نادها يعمه يم كلب حزنـــــــــــان
أطلعي طفالنه خل تظرب الوديان
يعمه عدائنه موش من أهل وجدان
أخذوّا هل نذاله من أبوسفـــــــــيان
سلمي أمرج يعمه الواحد الديــــان
بالمرصاد ربنه يعاين العــــــدوان
الباري ينضر ويسمع
وعيون السمه تدمع
ساعد ألله كلــب أم الحـزن
=====
ساعة ولن شمرهم يصرخ بصوته
كفيلج عل نهر مطـــــــــــروح خليته
وحسينج يزينب هالخفه صـــــــــوته
علي ألأكبر يزينب حضري تبــــابوته
وجاسم بالدماء العرسه حنـــــــــــيته
يزينب لليسر كومـــــــي هلج مـــــوته
كومي رجبي عيالج
يزينب دبري حالج
ساعد ألله كلب أم الحزن
===
نادت يا علي يــا داحي البيـــــــبان
خيمنه ياعلي حركوها أهل كوفان
هذا حسينك مدد على التـــــــــربان
وفوك العلكمي متناثره الذرعــــا ن
شلون من المدينه وحضرت سلمان
أحظر ياعلي ضلينه بس نســـوان
والظالم ولانه
يا حيدر سبانه
ساعد ألله كلـب أم الحزن
-----------------
يحيدر هاي أولادك على الغـــبره
شبان وشيوخ بدمه متعـــــــفره
يحيدرهاي ننسوانك مشت يسره
من بعد الكفيل ألهن زجـــــر يبره
وحالت زين العباد أصبحت خطره
مجتف بالحـديد ومحــــد ينصره
يابويه الكمرغاب
صرنه بولية أجناب
ساعد ألله كلب أم الحزن
-------------------
ساعدَ أللهُ كلب أم الحزن=عافت أخوته عرايه بلا جفن
شلون تمشي ميسره=تعوف أهله عل الثره
والحُسين بكربله بلايه دفن=ساعدَ ألله كَلب أم الحزن


خادم الحُسين ع