(سلوة الذاكرين (في رثاء المعصومين (ع) الفقير الى رحمة ربه سيد كاظم الشرع الموسوي
دخول هند على السبايه بحربت الشام= سيد كاظم الشرع ال مجيد المحمودي الموسوي
بواسطة الشاعر سيد كاظم الشرع, 1st April 2015 عند 01:01 PM (386 المشاهدات)
دخول هند على السبيا
((ألله يساعد الحره الأبيه))
======
ألله= ألله يساعد الحره الأبيـه
الله=شلون تحيرت بالغاضريه
نزلة بالخرابه
علم ألله وكتابه
من بعد ألأهل راحت سبيه
ألله=الله يساعد الحره الأبيه
-----------------------------
أجت مرت ألخليفه بموكب وزفه
تحف بيه خدمـــــه وبيه متكلفه
صاحت بت علي والمدمع تذرفه
يم جلثوم يسكينه ألف وســـــفه
أجت هذي هند بحسين تشـفـــه
واجب يا خواتي عنــه نتـخفــــه
أمس مرت الخليفه
تخدمنه وصيفــــه
واليوم صبحت تحكم عليه
ألله يساعـد الحره الأبــيه
---------------------
ألأميره عاينت زينب تخفي العين
نشدته يحره موطنج مــــن وين
أريد أعرف أهلكم يا يساره منين
العقيلـــه جاوبته بالحزن وونين
يختي من المدينه أهلــي مبينين
كفيلي بكربله منه نكطـع جفين
وخيل ألأعوجيه
داست صدر أخيه
وجسمه عل النهر بالغاظريه
الله=ألله يساعــد الحره ألأبيه
======
كالت يا أسيره يـــــــــا مدينه هاي
مدائن عدنه بالأمصار كثره هواي
يختي وضحلي يـــــــــا بعد عيناي
عليكم همي زاد وذاب شحم جلاي
ودموعج يخـّيتي زيدت بلـــــــواي
أحجيلي بصراحه فسر يلي هـــاي
أكثر فصليلي
خل يمن دليلي
أشوفن حالتج صعبت عليه
الله=ألله يساعـد الحره ألأبيه
---------------------
العقيله جاوبته والدمــوع عبار
يختي عوفي هذا لا تهيجي النار
يختي من مدينة موطن المختار
ألشرفــه ألجليل الواحــد الجـبار
بيه تنزل الأملاك ليل نهــــــــار
ترتل بالكتاب تفسر ألأســــــرار
يزيدج ما حشمنه
باللطف أجره دمنه
سبايه عدكم بهاي المسيه
الله=ألله يساعد الحره ألأبيه
------------------------
لمن سمعة هند طاري النبي يصدع
عافت للكراسي البل ذهب تلـــــــــمع
طاحت عل أرض تتعــــــفر وتخضع
نزلت من تختها وتسجب المدمـــــــع
عافت ذاك كرسيه وهـــــــوت تركــع
كرامه للنبي وللمرتـــــــــضى ألأنزع
هند ولله شريفه
مو مثل السقيفه
احترمت فاطمه وسيد البريه
3
الله=ألله يساعـد الحره ألأبيه
كالت يختي نشدج جاوبيني زيـن
أحجيــلي بصراحه عني لا تخفين
أنشد عـن نزل مولاي أبوالحسنين
بيه ترعرعت ويــــاالحسن وحسين
عشت ويا العقيله هناك كثره سنين
منه تعــلمت يختي وعرفت الدين
عنـــها حدثيني
زينب نظرعيني
زينب ونت بونه خفـيه
الله=ألله يساعـد الحره ألأبيه
------------------------
ضجة صارت ونوح ولطـــــم بالأيد
هندصاحت عليمن هل بجي ولويد
العقيله جاوبتــــــــه والنفس ترديد
يختي زينب آني بت علي الصنديد
أم جلثوم هاي وسكنـــه بنت الحيد
راس حسين يختي هل امام يزيد
من سمعة هند جنت
لطمت راســــه ونت
صاحت قبح ألله يزيد أميه
الله=ألله يساعد الحره ألأبـيه
--------------------
عاين قدرة الباري شكتب بالـــوح
بعقردارأليذبحه يُندب المذبــــــوح
عفه صبرج يزينب و الصبرممدوح
شلون تحمليتي وهـــــم بكتلج روح
هند نصبت المأتم والكلب مجــروح
أيام وليالي على الغريب تنــــــوح
وتسلي العقيله
والعابد عليله
وتواسي البنات الفاطميه
الله=ألله يساعد الحره ألأبيه
سيد كاظم
إذهب إلى الملف الشخصي
إجعلها كمقروءة
