(سلوة الذاكرين (في رثاء المعصومين (ع) الفقير الى رحمة ربه سيد كاظم الشرع الموسوي

بت خامي الجار= عليها الدهر جار سيد كاظم الشرع

تقييم هذا المقال
بواسطة الشاعر سيد كاظم الشرع, 1st April 2015 عند 12:38 PM (628 المشاهدات)

كعديه
===
بت حامي الجــــار=عليــــها الدهر جـار
زينب أسيره بكربله=يهدوها ويا العايلــه
الزمرة الفجار=عليه الدهرجار
بت حامي الجار
------------------
ليلة العاشـر شليلــــه=مرت بيت الرسالــــــــه
بيه أبوالسجاد مهتـم=يفكر بحالة عيالـــــــــــه
يطاوع يزيد ويسالـــم=يحفظ من الخطر آلـــــه
لويقدم على التضحية=يضحي بخوانه ورجاله
حاشا أبن سيد البشر=يتنازل ألهذا ألأمر
أقدم على كطع النحر=في سبيل الله وجلالـــــه
ضحه بالنصار=وألأخوه ألبرار
زينب بكت متحـــيره=عليها الدهر جار
بت حامي الجار
---------------
اليله بيه حسين حاضــــــر=يحرس العايله من الشر
والكمر عبـــــــــــاس يمه=بسيفه عزرائيل يفتــــــــر
شبول هاشــــــــم بالمخيم=بدور بالظلمــــــــاء تزهـر
أنصارها مجرده الصوارم=قـــايد الهُــــم أبـن مُظهر
جاسم ولكبر بالخيم=عباس متكفل الحرم
سيفه بيـمينه والعلـــــــــم=مــن يصل حده الغضنفـر
وسفه الصبح صار=حكمت ألأقدار
أطفال ألحسين ميسره=عليها الدهر جار
بت حامي الجار
===========
ليلة العاشر جــــــزت= زينب مأمنه بهله
لفه ليل هدعـش مظلم=والخيم غايب بدره
هاي ليله شلون ليله=ليلة الحادي عشـــره
طفال مذعـوره ويتامه=والشمرأحرك خدره
ألأخوة غابت والأهل=ماظل بعدعدهم أمل
غير ألأبو خيرالعمل=يجي ويتكـلف أمــره
أطفال رضعان=ضربت الوديان
ضاعـت يحيدر بالفـله =عليها الدهر جار
بت حامي الجار
=========
يا علي بهل أليله زينب=ضلت أوحيده وتفكر
لا ولي يمه ألتحشمــــه=ولا معين أعليه ينغر
تعاين أشبول أبو طالب=مخضبين أبدم المنحر
تعاين ألأنصار صرعـى=مجزرين بهل مُعسكر
حين الفاهم حرمله=سوطه عليهم واصله
أيتام فرت بالفلـــه=من وجله ضربت البــــــر
ما ظلت اخوان=تحامي الصيوان
بس العليل وعمته=عليها الدهر جار
بت حامي الجار
===========
ياعلي هاي العقـيلـــــــه=تحشم وتســــجب ألعبره
تعنت الشخص ابواليمه=شافته مكطـــــــوع نحره
راحت تفزع القــاســم=لكت بيه طعــــــــنات كثره
ردت تحـشــــم بالأكبر=لكت جسمه ألــــــف وذره
حست الحره بالخطر=عرفت تولاه زجـر
والكمرغايب عل نهر=غفت عينه على الغـــــبره
زينب والأطفال=مجتوفه بحبال
وينك يحماي الحـمه =عليها الدهر جار
بت حامي الجار
==============
للغري توجهت زينب=تشتكي الحامي الحميه
بعد يابويه شخبــــرك=عــــــــن فعايل آل أميه
أنت تعرفهم يبويــــه=أرجاس وشرار البــريه
حدثك جدنه مُحــــــمد=فصل الهاي القـــــضيه
أخبرك يا عقد الولــه=زينب أسيره بكربله
خلاف الحسين العايله=تمشي للـكوفه سبيه
مقيده بأصفاد=المجلس أبن زياد
طبت عقيلة هاشم =عليها الدهر جار
بت حامي الجار
==========
هذا بالكـوفه يبويـــه=شوف بالشام المصيبه
معيده الشام بذبحنـه=الناس تنضرنه بريـــبه
يزيدغررهه بخداعه=سرجون مهدله ربيــبـه
يدعي من آل هاشـم=ويزعم الهادي قــــريبـه
جُهال ناس وصدكت=حيلة يزيد وأيدت
آل حرب ليك انتمت=وصبحت زينب غريبـــــه
بهذا الدجل صار=من بني المختار
طبوا نسبنه بالمكرضللوا أفكار=عليه الدهرجار
بت حامي الجار

سيد كاظم الشرع
التصانيف
غير مصنف

التعليقات

تم تطوير موقع درر العراق بواسطة Samer

قوانين المنتديات العامة

Google+

متصفح Chrome هو الأفضل لتصفح الانترنت في الجوال