كللهم اتأخرت لا تنوي عل الروحه
تدري ل يضل وحده تستاحش جروحه
كل لهلك اتأخرت ارد تالي
الليله نبقه سوه وعندي كلب خالي
الليله ماكو قفل بيباني مفتوحه
نلعب لعب بالوكت
ميل الدقايق الك
وميل الثواني الي
ونشد عليهن حبل ونسوي مرجوحه
ضل يمي شوف السمه
ذاك الضوه مو نجم
ذاك اني اعرفه حلم
باليل اجيبه الك
بس تبقه يمي شرط من تمشي ما الوحه
ضل يمي بره برد واتغطه حنيه
ضل بيه عرضه بعد مو راچده النيه
ضل يمي جاي الفجر والليله مكضيه
ضل يمي حته بعد تتوازه عل الجيه
الليله هاي اطمئن صح روحي ظلمه عايشه ليليه
بس انته شي يختلف
الليل اذا خوفك يشعل جمر بيه
واشعل حياتي مثل ما تشعل الشمعه
ارد احجي يمك حجي مو كلمن يسمعه
من تمشي اضل وحدي
مثل الجفن من يضل عايش بلا دمعه