^{احنه الرافظيــــــه=قصــصنه واقـــعيه
ما نكتب عواطف = نوثق بس مواقف
قصصنه واقـعيه ( أحنه الرافظيه
==========
يغافل أدرس التاريخ ونت تشوف= شلون الناس جانت عايشه بآلام
كبل ما ينبعث طه النــــبي المختار=قريش محزمه حزامين للأجرام
الوأد عدهم سجيه ويعتبر مشروع=الضلال يلف عقول الناس ولأوهام
يدفن بنـــــته عدله ويعتبر روحــه=شهم وبهل عمل ضرغـــــــــام
بدواه وغلضه حالتهم=وألأرهاب مهنتهم
هاي خلاقهم بالجــاهليه
قصصنه واقــعيه (احنه
=======
آلاف السنين مفرقين أشـــــتات=تتخطفهم الذئبان تاذيـــــــــــهم
بالتالي نبعث بيهم نبي التوحيد=حلت رحمته على الدنيا وعليهم
صحاريهم زهة أكرمهم ألإسلام=مــــــن خوف وفقر أمن أهاليهم
من بعد الجهل نورهم ألمختـار=أضحوّا بالعلم محد يضاهيــــــهم
لا جنهم بدوّا أجلاف=ضده توحدوّا أحلاف
أبو سفيان قائد هل قضيه
قصصنه واقــعيه ( أحنه الرافظيه
===============
بدل ما جازوّا المختار بلإحســــان=اتفقة كُل طوائفهم على ألأجرام
والخطه رسمها بليس للأشـــــــرار=بعيون ألأراذل جمل ألأصـــــنام
لاجن شائت الجبار باري الكــــون=يسلم من غدرهم ســـــيد ألآنام
نزل وحي السمه من الواحد المعبود=علي ينام أمجانك يوهم الضـلام
نام المرتضى مرتاح=بس يسلم نبي ألإصلاح
ما هاب الخطر حامي الحميه
قصصنه واقــعيه ( أحنه
======
بعد أيام قررّ حيدر الكـــــــــرار=يطلع بالفواطم يتبع المخــــتار
بين رغبته ون ذاعت ألأخــــبار=جمعت كل قواها زمرت ألأشرار
سل سيفه بيمينه حيدر المغوار=طلع يحدي الضعن وتعاينه ألأبصار
رادوّا منعته ما كدرّوا الكـــفار=لأن حيدر صعب لو جرد البــــــتار
طلع يحدي لضعن وتشوف= قريش وترجف من الخوف
ولاصعلوك جرد سمهريه
قصصنه وا قعــــــــــــيه (أحنه الجعفريه
=========
استقروّا بالمدينه المصطفى وحيدر=والبذره نمت صارت شجر وثمر
بساعد حيدر الكـــــــــرار قام الدين=تشهدله بدر وحنين وي خــــــيبر
ربعك وين جانوا يــــــاسفيه الراي=يوم الخندق وبيـــــــهم عمر يزئر
جان المصطفى يحشمهم بإلحاح=ولا واحد تقدم للحـــــــــــرب كبر
بس المرتضى الكرار=جرد صارمه البتار
وراس العامري جــابه هديه
قصصنه واقعــــــــــــــــــــي ه (احنه
=========
شعرنه مو نسج أفكارلو أوهام= نروح وننشدالتاريخ عن الصار
نتحرى لمصادر نكشف ألمضموم=مسلم والبخاري يوثق ألأخبــــار
وبوقعة احد حيدرثبت باكـــون = ربعك بلبراري ولــــــوّ ألأدبار
ماعدنه بغض لفلانه لو لفـــلان= نتوخه الحقيقه المــا عليه غبار
عقلك عاذلي خاوي= تقيس الذيب بالواوي
تساوي الثعلب أبسبع الثنيه
قصصنه واقعيه (أحنه
========
من ذاك الوكت حقدوّا على الكـرار= علينه اليوم هل أحقاد تتكـرر
مغتاض النجـيفي وثعلب المـُله=لأن أسم الوصي وي كُل فرض يُذكر
سلمان الجمـيلي وظافر العاني=زعلانين مـن أسم الوصي حيدر
عدنان الدليمي وصالح وطارق=بنار كلوبهم عل الشيعه تتـوجر
علينه توحدت جلمـتهم ألأوباش=جمعوّا كل حـُثالات الغدر والشر
معروفه المرامي= حقدهم عالإمامي
لأن بزيارته يلعن أميه
قصصنه واقعــــــيه ( أحنه
======
ما نعتب عليهم ذوله معروفــين=أرجاس ومالهم كل مرحبه ويالدين
ندري حقادهم ضد النبي المرسـول=نعتب عل الذي يوالي أبو الحسنين
إذا أحنه هدفنه حب علي الكـرار=عليمن هل تناحر ليش متـــــــفرقين
تناسينه المقابر والدفن أحيــاء =وحتى من البجي هم جنه ممنـوعين
نسينه أشعملوّا ألأرجاس بالأشـراف=نسينه دم شهيد الجمعه والصدرين
يا وسفه وألف حيف =نواصب بالنجف ضيف
ابعقر دار ألإمامه الحيــدريه
قصصنه واقعـــــــــــــــــيه أحنه الجعفريه
===========
لجن مهما يكُن أسم الوصي الكرار=عالي على المناير يـدح ألآذان
شما دار الزمن وفـترت ألأيام =منار يضل على رغم أنف أبو سفيان
يبكه اسمه علم تتناقله ألأجــــــيال=وتضل شيعتة تتحده للطـُـغيان
لابد يظهر المهدي ويجرد الســيف=يكطع دابر اللأجرام والبهـتان
رغم أنف النواصب =محسومه العواقب
بالتـالي النصرللجعفريه
قصصنه واقـــــــــعيه
أحنه الرافظيه
سيد كاظم الشرع}