الطبيب
---------
كربله مستشفى صارت كربله
والطبيب حسين أبن عقد الوله
زورها وجرب الطبيب
و بـأذن ألله تطـيب
كربله مُستشفى صارت كربله
----
جامعه أسسها سيد ألمرسليـن
شـــــيد ألبـُنيان أمير المؤمنين
بيه درسوا بني الزهره الطاهرين
صار دكتور الطفل دامي الوتين
الصيدلي العباس مكطوع اليمــين
برافسور الحسن بيه والحُسين
بكبره مقبول الدُعاء
تربتــــه بيه الشفاء
تشافي كل عله ثجـيله ومعضلة
كربله
----
خل نيتك صافيه وصدك القول
توكل على الله والهادي الرسول
وعتني المستشفى فاطمة البتول
تحضه بالترحاب بيه والقبول
بيه ما تلكي وصاطه ولا ميول
روس مابيه ولا بيه ذيول
الناس كلهه بالسوه
تراب الحسين الدوه
يشافي كل حاله مزمنه ومشكله
كربله
======
بصيدلية حسين مجــاني الدواء
بكثره متوفر تحصله بلا عنـــاء
مختبر ويحلل بأمر السمــــــــاء
بالدوه التطيه مضمون الشفاء
ما عليك إلا التوسل بالــــــدُعاء
تزول أمراض الخيثه ويا البكاء
تراب زوار الحُسين
أقــوه من البلسنين
واليزوره يطيب ويرد الهله
كربله مستشفى صارت كربله
----
كل بني الزهراء سفنا للنجاة
همَ ماي العـــذب منبع للحيات
غيــر مـنبعهم منابـع آسنات
ويا حبهـــــــم ما تظر السيئات
وي بغضهم مـاتفيد الحسنات
أليلتزمهم ينجَا مـــن المُهلكات
حـُبهم علينه نفرض
بيهم يزول المرض
مختبر باري الســــــماء يحلله
كربله
----
يلي بيك آلام صعبات وشـــــداد
آني دليك أعله أبــواب المراد
كضوا كلهم ذبح بدروب الجهاد
أكصد خريسان وعلن بالحداد
وعرج الجامعة موسى والجواد
الباري خولهم يشافـــون العباد
تلكي هاي ألجامعه
بمنهج الطب لامعه
بجامعة طـه النبي متواصله
===========
كربله مستشفى صارت كربله
بعد روح وأكصد الهادي النقي
لا تــكـول مفجره كــبت التقي
موش بالبنيان مجـــدَه يــرتـقي
ذوله عنوان المجد وأهل الرُقي
عايشين بكلب كـُل مومن تقي
أبو صالح عـدل حياً يُـــرزقــي
ألمهدي دكتور العصر
يحقق بجفـــه النصر
يهَدّم أركان ألضلاله الباطلة
كربله مستشفى صارت كربله
----
يالمصاب بمرض مزمن لو خطير
آني أدليك بشخص بالطب جدير
أكصــد العباس أدخـــل وستـجير
ولله أبو فاضل عله الصعبه قدير
أكـرمـه الباري كرامه بلا نـضـير
أبــدل الجــفيــن بجـناح و يطير
تــوسل بغربة حسين
توسل بأم البنين
تنقبل بيهم بسـرعه ألمسئله
كربله مستشفى صارت كربله
-----
بعد لا تنسه الغريبه الصابره
عكب واليه تروح ميـــــــسره
الباري أكرمه كرامه باهره
صار مــرقدها مزار ومفخـــره
شامخ مرصعــــــه بدرمنايره
وكبر ظالمه خرابـــــه مقفره
ألله يجزي المحسنين
بالخصوص الصابريــن
والكصد لـيه مرامه يحصله
كربله مستشفى صارت كربله

سيد كاظم الشرع الموسوي