لسان حال االسيد
يعاتب كربلاء ونهر الفرات
==========
آه وا ويلاه مـولانــه الحُسين
يومكَ أدمى قلوب المؤمنين
بكربله نحز الوريــــــد
طحت عل غبره شهيد
والحرم مسبيه بيد الظالمـين
آه وا ويلاه مولانه الحُسين
============
كربله نعتب عليج وعل فــــرات
شلون ما روّه الجبود الضامئات
أبدى معروفه على القوم العُـتاة
ذناب أميه أهل كوفان البُــــــغاة
يبخل أمــــايه على ألساده ألأباة
بخده وصمة عار ضلت للممات
ريت مايه ما جره
خان سبع الكنطره
شيعتذرمن النبي الهادي ألأمين
آه وا ويلاه مــــــــولانه الحُسين
=========
والعجب كُل العجب يا كربــــــــلاء
ما نصرتي خامس أصحاب الكساء
ليش ياكربله كُل هذا الجــــــــــفاء
ما حشمتي بيت سيد ألأوصــــــياء
حسين تدرينه وريث ألأنبيـــــــــاء
نزل عندج ضيف جا وين الــــوفاء
كربله شتــــتعذرين
لو أجت زهره بأنين
تصيح وا ويلاه يوليدي الحُسين
=========
بيج أبو السجاد وطن عيـلته
ضرب أطـــــنابه وتعلت رايته
صار جارج ونت صرتي جارته
وين حك الجار وين معـــــــزته
شلون ضيفج والعده تحزركبته
والخيول دوس صدره ورضته
كربله شنهو العذر
من النبي سيد البشر
شلون زينب تنسبي ويل مجرمين
آه واويلاه مـــــــــــــولانه الحُسين
===========
وبعد انشد كربله عـــــــــن الكفيل
من تعنه المشرعه وسل السقــيل
أدري بالشجعان عن دربه تمـــــيل
وأعرف العباس أبن حامي الدخيل
لاجن أنشد من مُلك للسلســــبيل
روه جبده لو بكه يلـــهب غلــــيل
أدري كلبــــــــــه منفطر
من العطش يلهب جمر
كربله كوليها لا لا تستـــــــحين
آه وا ويلاه مــــــــــــولانه الحُسين
=========
كربله تجاوب بحســـرات وأنــــــــــــــين
عن أبو فاضل أربـــــــــــات الطاهــرين
تكول أبوفاضل غيور ومايلـــــــــــــــــين
جاهد بعلم وعقيده دون إمـــام المسلمين
هاك أخذ مني الخبر عين أليـــــــــــــقين
من وصل للماي مــــــا ضاك المعين
جان كلبه ملتهب
حلف ماضاك العذب
إلا يروه أبــــــــن سيد المرسلين
=====
تريد أرويلك فصــــول الملحمــه
أقسم بضلع الزحيه فاطمــــــــــه
وراس ابو الحسنين حماي الحمه
ماشفت ساقي يموت مـــن الضمه
بس شفت عباس راعي المكرمه
غرف غرفت ماي وصله الفمـــــه
ذكر لن ضامي الحسين
والطفل شابـــــح العين
تناسه نفسه وذكر عطشان الحسين
اه واويلاه مولانه الحسين
=========
ذبها مـــــــــــن جفه ابو الغيره ونحب
ماخذ الإيثار مــــــــــــــــن ليث العرب
ندري عذب الماي أعز مــــــــن الذهب
بالخصوص بساعة الحر والحـــــــــرب
كال ياكلبي أشلعك لوطلبت مــــن العذب
وتدري أخوي حسين كلبـــــــــه ملتهب
ولله ما أرويك قطره كبل ما أروي الحسين
اه وا ويلاه مولانه الحسين
=====
ماكو خوه مثل عبـاس وحُـــسين
بس علي الكرار والهادي الأمين
روح وحدة لاجن أنقسمة أثـــنين
تعجبت أهل السمه ولأرضـــــين
أبوفضل أبن أمير المؤمنــــــــين
بكربله جسد تآخي المسلــــمين
توطن الحر السيوف
ضحى عينه والجفوف
نفس ذيج وهاي نفس الخـــوتــين
آه وا ويلاه مـــــــــولانه الحُسين
=====

ماكو خوه مثل عبـاس وحُـــسين
بس علي الكرار والهادي الأمين
روح وحدة لاجن انجسمت أثنين
تعجبت أهل السمه ولأرضـــــين
أبوفضل أبن أمير المؤمنــــــــين
بكربله جسد تآخي المسلـــــــمين
توطن الحر السيوف
ضحى عينه والجفوف
نفس ذيج وهاي نفس الخوتين
آه وا ويلاه مـــــولانه الحُسين
==========
بعد أنشد كربله عــــــــــن الرضيع
بيد أبوه وينذبح نحره كطـــــــــــيع
شلون حال حسين من شافه صريع
بدال ماي العذب يسجونه النجيــــع
وكلب الحسين على عبدالله فجــــيع
آه واويلا شهل خطب الفـــــــــــظيع
شحال أمه من رجع
نحره بالنبله نكطع
كربله أدميتي قلوب المؤمنين
آه وا ويلاه مولانه الحُسين
==========
كربله بعد أرد نشدج عن رباب
أدري أم الولد يفجعه المــصاب
شما تكون الحره ملتـــزمه بأداب
على الولد تجزع وتكبــــع بل تراب
كربله تحجي وترد لينه الجـــواب
صَدّكوني ماحجة جلـمـــة عتاب
ما شفة من الرباب
غير أخلاق وحجاب
وبصبرها تعـجب الكون أجمعين
=============
آه وا ويلاه مــــــــــولانه الحُسين
كربله لا تكذبي وأصدقي القـــــول
عن علي ألأكبرشبه جده الرسول
من نزل للمعركه وجاش الخــيول
شفتي واحد ثبت مــــن ذيج الذيول
كربله تكلك الهل قصه فصـــــــــول
تصوّروّا حيدرعلي عليهم يجــول
ولله أقسملك قسم
ماشفة بيهم زلم
شفة غربان وصـكرها أبن الحسين
آه وا ويلاه مــــــــولانه الحُسين
===========
كربله أدري الفزع ينعد ألـــــــــوف
ودري باليوصله تنتظره السيـــوف
لاجن نشد على عريس الطفـــــوف
جسع نعله من نكطع هم أبدى خوف
كربله تكلك يهل تنشدني شــــــوف
شفته مثل الصكرحدرعل رفــــــوف
بعيني شفته كالأسد
هزبر بيوم الشدد
ما يفكرألا بالنصرألمبين
آه وا ويلاه مولانه الحُسين
===========
جيت نشدج كربله حجي الصحيح
حين طاح حسين عالغبـــره طريح
وصفيلي حال زينب بالصـــــــــريح
شلون جان الحال هم جانت تصيح
كربله تجاوب ومدمعــــــــــه يسيح
بكُل وقاروحشمه راحت للذبيـــــــح
زينب ربات القيم
نزلت بصبر وألم
قدمت قربان رب العالمين
آه واويلاه مولانه الحُسين
==============
لا تناشدني على حــــــــال العـليل
أنت تدري من المرض جسمه نحيل
جان ما يقوه على حمل السقــــيل
يقاتل بحكمه وحـــلم صـــبراً جميل
هيبته هيبت علي حامي الدخــــــيل
فرضت على الكوم تكـــريم العـــليل
هاي أراده من السماء
على الولي يحل بتلاء
حتى يحفظ نسل حيدرولأمين
آه وا ويلاه مــــــــولانه حُسين
==============
جيت نشدج كربله أطيني الجواب
حجيلي بالتفصيل عن ذاك العذاب
شلون حالة زينب بذاك ألإرهـــاب
حين هجموا عل خيم حركوا أطناب
شلون حال العايله وســكنه ورباب
ما شفتواح سلب منهن حــــــجاب
أبنات أبوطالب سباع
والعده مثل ألضباع
وزينب بوكت الـشدد لاماتلين
آه واو يلاه مــــــــولانه الحُسين
==========
سائلي بسك عتب جُرحي كلف
حكك تلوم وتعاتبــــــــني بلـــطف
آني هم أشعر بذنبي وأعتــــــرف
جان واجب أخسف بجيش الجلف
لا تلمني سائلي عنـــــــــدي هدف
بسكتـتي حصلت أنوار وشـــــــرف
تربتي تشافي العليل
بأمر باريها الجليل
أصبحت كعبه وتحّجني المسلمين
اه واويلاه مولاي الحسين