يحسين بعقيدتنه
--------
يحسين بعقيدتنه = صحنه بيك آمنه
كالوخارجي وكلنه=حسين الثبت ألسنه
يحسين بعقيدتنه=صحنه
======
ياحجي رسول اليـوم=شعركم بالكلب مطبوع
بكه حسين بظمايرنه=كل ساعه وكت مسموع
كلامك يلتهب نيران=ضويت بدربنه شمــــوع
نهنيك على هل خدمه=خدمتك هاي أجل مشروع
بطريق حسين والعباس= تبكه الكطعت ألأنفاس
يحسين بظمايرنه
-----------------
يحجي هل وكت تحتاج=ميادين الشعر تنعـــــــاك
تنعه حيــــدر الحــــــلي=ياحامي الشريعه نخــاك
تنعه فاضــــــــل الرادود=وياسين الرميثي ويـــاك
تنعه كاظم المنضـــــــور=يحمزه لا تضن ننساك
نضل بدروبكم مــــاشين=نعزي المصطفى بحسين
عهد ونزيد ركضتنـــــه=يحسين بظمايرنه
----------------
خل عينك تكر وتــــــــنام=يحجي لا تضل مسهــــــــر
شيعه من يهل عاشــــور=الزغير يسابـــج ألأكبـــــر
من البصره يكت السيل =مثل طوفان لو حـَــــــــــــدّر
حتى ليرضع بكـــــــاروك=ما يعرف برد لوحـــــــــــر
شباب وشايب ونسوان=كلها تصيح ياعطشان
يبواليمه أنت غايتنه=يحسين بعقيد تنه
---------------
الشيعه على الخطر تزحف=تتحده الذي أيفجــــــر
تهتف بسم أبوالسجــــــــــــــــاد=وتهل الدمع أحمر
من تسمع حدث تفـــــجير=تحث السير وتقــــــــرر
تحاول توصل بسرعـــــه=يحجي مــــا نعرف السـر
تبين عاشكين المـوت=كل زاير حمل تابوت
الشهاده أسمه غايتنه=يحسين بعقيدتنه
-------------
لأن تدري بطريق حسين=اليموة الجنة الفـردوس
يدخلـــــــه بدون أحساب=وبيه تستقر أنفــــــــوس
لجن يا حجي اشجيــــــلك= بعضنه بالهوه مهوس
وبعض من يرتقي المنبر= الغايه بس يحصل أفلوس
حجينه صار ما مقبول= خارج عن مدا المعقول
متى نفهم قضيتنه= يحسين بعقيدتنه
------------
تناسوا منبر الهادي=من الباري العلي مأسس
واجب نحترم وضعه=بنهج المصطفى ندرس
لاجن البعض يا حيف= شيطانه اله يوسوس
جن حفلة عرس عنده= يشابه للهو المجلس
ياريتك يحجي تعود=ترجعنه على المعهود
وتصحح طريقتنه=يحسين بعقيدتنه



سيد كاظم الشرع