(((((( خالد حسين ومامات ))))))
خالد حسين ومامات==حاضر بكل الساحات
بنهجـــــــه ودمــــه=أعلن جلمـــــــــــــه
ما أخضع للذل هيهات
خالد حسين ومامـــات
===========
ألأحرار تردد هل جلمه=طول الــدهروالأزمان
جلمه من حسين سمعناه=ممزوجة بدم الشريان
صارت منــهاج الكل ثائر=وكل واحد يحمل إيمان
أضحــت مقــياس ألثوريه=والراعـي المبدء عنوان
ميخاف اليــتمسك بـيـــه=شـما تكثر ضده العدوان
أنصار حسين=أهل الدين
رفـعة للعزه ألرايات
خالـد حسين ومامات
=========
نهضة حسين وثورتـــــــه=مصدره الباري الجبـــــار
بهاي النهضة حسين تخلد=درست من نهـجه ألأحرار
جموع العده ما رهبتــــــــه=مــــاهــاب ذيـــج الاخطار
قررّحسيـــــــــن بــنهضته=يجتــــث جــذور الـكــفـــار
حسـين الحــررهـاي ألأمــه=من الظلـــــــم والأسـتكـبار
ألسيف الخسر=ألدم أنتصر
عكس الحدث بالسـاحات
خالد حسين ومـامات
===========
أشرار كـثرة تعاونـت=طــــــول الــزمان الغـابر
حاولت تطمس ثورته=وتطفي ألنـــــورالـزاهـر
الأقلام المأجورة تـزوق=فعــل الظالـــم والغادر
لاجن دم حسين أتخلد=بماضي ألزمان وحاضـر
ضل يضوي حسين بنوره=درب الناهض والثائر
بدمه حسين=أحيّ الدين
ثأئر وستاذ الـثـــورات
خالد حسين ومامات
==========
ما تخمد أنــــوار ألبــاري=شما مرت عل دنيـا أدوار
يضوي طريق أهل ألشرف=مظلـم طريـــــــــق الفـجار
الباري دوم بعون المؤمن=لو جرد بل حـــــــــــك بتار
ينصر القله الـمؤمنــــــــه=شماكثرت بالساحات أشرار
يخذل الكثره الباطـــــــــله=رغــم المكر والتـدبـــــــــار
في كل زمن=أهل الفتن
حصلوّا بس اللعنات
خالد حسـين وما مات
=========
حسين بكلب المؤمن عرشه=مو مثل عروش الطاغوت
يتلاشه وينهار الظـــــــــالم= يوم اليحمل بل تابـــــــوت
وهل المبادئ خـــــــالـــده=صــوت الحك خالد مـيموت
اليتمسك با لحك ما يخـــسر=وميخاف عــله ألدنيا الفوت
يتحزم بـل ثوب ألأبــــــيض=يقدم على الصعبة يفـــــوت
راعي الهدف=ما ينحرف
ما يخضع للذل هيهات
خالد حسين وما مات
===========
عاين العطشان أنذبح=وبكر بله ضل مـــرهون
شوف الأنوارالوهاجه=بكبر حسين الدر مكنـون
أصبح كبرحسين ألكعبه=بـأركانه الناس يطوفون
مومره وحده بل سنـــه=بكـل الأيـــــام يحجــــون
عاين وين يزيد وكبــره=ويــن الرشيد ومـأمـون
عاين زين=كبر حسين
شامخ أعله من النجمات
خالد حسين ومامات
============
عـاين دم حسين شسوه=وسبي الحرم والأيتــــام
دمـرطـواغيت الكفـــــــر=طــــــول الزمن والأيــــام
يوم حسين بكلب المؤمن=أثــــــــر حــــــرات وآلام
حتى طفلنه بل مــهـــــــد=يصرخ و يــناغي بإلهام
ماكـو ولــــــــي إلاعــلي=بغيـر العتره ماكو سلام
لوله حسين=ماضل دين
ولا ضلت تـُتلى أللآيات
(خالد حسين ومـامـــات
============
عاين د م حسين شسـوه=بأهـل المكرو الأجـــــرام
نكس علام ألظالمـــــــه=وتعلة للدين أعـــــــــلام
خطبت زينب يوم الكوفه=كادت تقضي أعله الظلام
والعابد بـــالشام أتحدث=صحـح أفكارأهل الشـــــام
بديوان يزيـــد المسبيـه=تكفلــــة دور الأعــــــــلام
للإعلام = دوّرُ ُهام
مثل السيف يطرهامات
خالد حسـين وما مات
=========
واحنه بهذا اليوم علينــــــه=واجب نحجي بطول ألســـان
نوضح للعـــــالم غايتـــــنه=نرسخ أركـــــــــــان الأيمان
خل أصوات الحــــــك تتعالى=الساكــت عن الحك شيطـان
خل نكون من أهل المـــــبدئ=لا نحسب ربــح وخســــران
لا تتخاذل لا تتراجـــــــــــــــع=لته� �ب فلان وفلتــــــــــــان
لا تخشى الموت=لابد تموت
موت العز أحـلى الموتات
خالد حسين وما مات
============
يلي مبايع حيدربالحك=وتكـــول آني موالــي حســين
وتتمنــه حاضركربلــــه=وتبـذل عـــمرك دون الديـن
أليوم أنت على المـــحك=طـف كـربـلـه عـــــاد ألحــين
أوفي بعهـدك لا تتراجع=أنت الـــــيوم بـين أمـــــرين
تـمشي بطريق المرتضى=تفـوز وتربح بل داريـــــــن
لو تـتبع الأهل الجمـــــــل=تخسر بل دنــــــــيا وبل دين
بعقلك فكر= لا تتقشمر
ولمذهب أغلى الغايات
خالـد حسـين ومـامات

خادم أهل البيت ع
سيد كاظم الشرع المحمودي الموسوي