تعنه وزور بن الكرار))))))
======
تعنه وزور بن الكرار=عن الحك -لا- لا- تندار
لا تنخدع بهل البــدع = لا تتأثر بالأفكــــــــار
عن الحك -لا- لا- تندار
==============
أثبت عالمبدئ يلشيعي=لا تتــأثر بالأفكــــــار
مثل الريح تمر وتــذهب=مايثبت ريــــح ألإعصار
شما تمطربالصيف المزنه=ماتبتل هــــــــدوم المار
شما تكثر غدران الوادي=بسرعة يجف ماي ألأمطار
أثبت عل الحك= لاتتمزلك
لا تنجر خــلف التيار
عن الحك -لا- لا- تندار
%%%%
هاك أسمع أقوال الهادي= شوصه ألأمه بالثقلـين
ما يظِـل مـــن بعـدي أحد= اليتزم ذوله ألأثنـين
بالقرآن اليلزم ينجــه=وعترتي أركان الديـــــــن
أجري عليكم حُب العـتره=حيدروالزهره وحسنين
حُب ألعتره= أبناء ألزهره
مفروض بأمر الجـبـار
عن الحك لا0 لا تندار
==============
تعنه الكبر حسين وعـاين=حقق أنت بعينك شوف
لتخدعك أفكـــــــــار لباطل=بنياته الباطل مكشـوف
يلبس ثوب الحك للمـنكر=ويصّور البــــــاطل معروف
نقلبت موازين العـــــمل=والمُنكر أصبح مألــــــــــوف
بعقلك فكر=لا تتأثر
لا تقبل حـجي ألأشرار
عن الحك لا0 لا تندار
تعنه الكبر حسين وشـوفه=منقوش بأحـجار الماس
أصبح بيت الله وعنــوانه=وتلبي بـــأركانه الناس
بدم المنحر أصـبح خــالد=مو بالسيف ولا بـــــالطـاس
جاوين يزيد وسـلـــطانه=جاوين كـبـــــــــور ألأرجاس
الباطل يزهق= الحق يتوثـق
يشهد ضريح ألأطـهار
عن الحك لا0لا تندار
=========
حسين تربه بحجر الزهـره=وحجر الرسول المختار
حقق عــــــن يزيد أوضعه=تـربه بأحضان الكـــفار
والوالد بـوقـعـة أوحد=راس الطـــــــــغاة الفـجار
يصرخ هُبل أعلـــوّ هُــبل=أنت ألقهار الجــــــــــــبار
أحكم زين= بين حسين
وبين يزيد أبن الأشرار
عن الحك لا0 لا تندار
%%%%
خل يسمع كل المـاسامـع=حتى المّيت بالتابــــــوت
يظل نهج الكرار الخــالد=وينغص عيش الطاغـوت
كل منصف يـدرس أفكـاره=يظل ينادي بهذا الصوت
حيدر يا فــاروق ألأمـــــه=غيـرك بالبـاطل منـعوت
خل يموتون من الغيض=حيدرعلي محض الفيض
مفروض بأمـر ا لقهار
عن الحك -لا- لا- تندار

سيد كاظم الشرع الموسوي