تمنيتك فرح وانسى شكثر احزاني
ما ضنيت منك تكثر احزاني
وتمنيتك مسافة من الدمع للعين
اخلصها بوجودك واختم اشجاني
تمنيتك قصيدة من الالف للياء
اكتبها بسلاسه وابد ما اعاني
تمنيتك تحن وتكول هذا انسان
بحبك تعذب مو شخص ثاني
تمنيتك سؤال وحله انته تكون
تقاسمني دمعتي بزمن بجاني
وتمنيت لهفة عاشك ومعشوك
ولا لحظة بحياتك سهو تنساني
كثرن امنياتي وثقلتهه عليك
بس ما اريدهن منك بعد اني
مشنقة العشق كصت هواي كلوب
وكلبي اليوم ملني وهوه كصاني