ياهو الشكيله ويصير مرايتي
وبوجه يا بير أفرع حجايتي
لا تكلي تهون أنه مفارك عزيز
دنت نفسي وما كلت تفاحتي
طشرت دمعي بوكت للدمعه صيت
وهسه ادور دموع تشرح حالتي
ياهو المضيع دمعته إعله اليصيح
گبل لا اشوفنه اصيحن مالتي
جفوفي ثكلن غير تارسهن دعاء
والله خايف لا تعثرك شارتي
من فرض للثاني خضره من الدموع
ما تلحك تنشف مصلايتي
أنه اشبه جرحي كل ساعه بمكان
أنه بس وي جرحي ماخذ راحتي
بيه طبع البدو ما صاحب مكان
تصير يا صحراء اطبه ولايتي
عقرب الساعه شكثر گارصني شوف
من اواعد طبعي أبات بساعتي
أنته إلـه‍ـ الحب وانه بدينك رسول
وابني بيتك وين تكعد ناگتي