لو اجتني ألمنية ولزمتني شهكة ألموت
بأسمك حبيبي ترد ألروح بية
وأذا صارت علية جيوش وحاولو يبعدوني
ما أقبل وأقدملك روحي هدية
ياما بحبك آنة حلمت وياما بوصلك تأملت
ردت بس لحضة تعبر علية
أحبك حب ألورد لربيع
أحبك حب ألسهر لليل
لاتعوفني بدونك خطية
خلينة سوة آنة وأنتة شما يصير خلينة
نعيش بفرح ولاتترك أيدك أدية
ألساعة بدونك تمر بيوم وألدقايق خناجر
لحضة بدونك أحس أجتني ألمنية
علمني على حبك وخليني أعيش وياك
وأصير ضلك ودوم أحنة سوية
كلشي حلو كرهتة وأنتة بعيد
بغيابك حبيبي صدكني أتعذب يومية
جمعت أيام هجرك وضربتهن بجروحي
طلع ألناتج يبجي علية
خليني وياك وين متروح خليني ركبة
وبيدك ألسجين قابل بهاي ألأذية
شلون أتحمل بدونك وحبك يمشي بالدم
تدري بلياك أصبح مثل ألضحية!
صح أنتة عني بعيد بس أحسك وياي
وين تلكة مثل حنيتي حنية
أحبك وخلي تسمع كل ألناس
آنة أحبك وماتصير لغيري بس ألية
أحبك وأريدك وياي وتنشف دموع ألهجر
أذا تحبني نفذلي هاي ألوصية.