سكون الليل هيج بيه الاشــواگ
حسافة الليل يتشمت بحالي
عشت وجربيت الهـجر حـــراگ
ثجيله تمر علي هاي الليالي
خلص عمري وشبعت فراگ بفراگ
بكثر وني دريت البدن سالي
شبگني الهم يخي شباگ بـشباگ
تچنه شلون بيه بساع چتالي
الوكت بسهامه يرمي اطباگ بطباگ
على شخصي وبگه منشغل بالي
حسرتي واه چم لوعه الگلب ضـــاگ
وياتعب عمري وسهر ذيج الليالي
حسرات اجر والدمع اكـت الحـــــاگ
مثل المات ابوه وماكو والي
گطب عمري انكسر وتفلش الـطاگ
وضاعت ربعتي ونصبت ادلالي
طحت بحر وكتي وماشــفت راگ
الاطم روج حظي بلايه چالي
وبحر حظوظ بعض الناس للسـاگ
وبحر حظي غميج وروجه عالي

للشاعر: قاسم الحساني