بستان اني وبي ورد يحمل جميع الالوان
يوميه اغيرلك عطر وشوف كل الواني
انطيتك الحب والوفه ونطيتك اني العاطفه باوع عله ورودي ولك اشتمه شوف احساني
باوع عله اشجاري الخضر عصفور خاف من النسر خايف اجه وعشه بنا بغصاني
تحرمني من ماي العذب وذبل اورود المحب وتيبس اشجاري الخضر تشلعها من بستاني
يالرحت من هذا الكلب حبك طلع من الكبد ماريدك اترتلي بعد حبيت واحد ثاني
تاركلي بكليبي جرح وبيدك اتخلي الملح طابن وماضلهن اثر غيرك اجه وداواني
ورجعهن اشجاري خضر ورجع عله ورودي العطر ويابديت من الصفر ومن دمع عينه سكاني
لاتجرح بكلبي بعد وتكول ما خنتك ابد مسكين اني شكد وفي وغيري ولا وافاني

بقلمي
ماجد الهاشمي