اذا گتلك أحبك شنهي راح تگول؟

شنهي يكون ردك ...ها تگول أقبل

اذا تقبل بحبي استمعلي ارجوك

وافتح قفل گلبك حته بيه ادخل

الك شايل موّده وعشگ مال اسنين

يالتاركني وحدي وحته ماتسأل

يالماخذني مني. .وگلبي صار وياك

يالشاغل احساسي وللفكر تشغل

الك اكتب غزل ؟ اتغزل شلون

الشاعر من يشوفك بالوزن يختل

وتأكدت ان حسنك خارج المألوف

لمن شيطان شفته بالورد يشتل

اذا شيطان شافك صار بيه الصار

مو حگي من اموتاً وانتهي واذبل

ياعمري وحياتي وصاحبي والروح

يا رائع جميل وساحر ومذهل

عمت عين الشمس ما بيهه ذرة نور

من يحظر جمالك تنحسبلك ظل

ما رايد سواك وفرحتي بملگاك

يالگربك حياتي وفرگتك تكتل

ما رايد سواك. ..وفرحتي بملگاك. ..

يالگربك حياتي وفرگتك تكتل

وشكراً