((سطرة ابليس))

تسائل صار بين الذاك والذيچ
علىٰ اوسادة الحيره الوادم اتنام

طلگت آمنه اوجابت نبي الكون
لو كون الله جابه و صار الاسلام

ليهسّه الحيارا ابروحها ادور
ولا مدّت إشاره ابصبع الايّام

حتّىٰ السما امشنهگ صاير اليوم
طلع بين الكواكب رافع الهام

يحس بالدنيه صار اليوم تغيير
إجت شخصيّه كبرىٰ او خذت لزمام

رسول الله انولد لو (سطرة ابليس)
خنگ وسوسة مكره ابسوح الجرام

مادام الفلك ضاگ الفرح بيه
ولا شالت شعاعه الكسّر اصنام

حگها اتحير بيه دنيه اليشعرون
ولا شاعر تسعفه اخطوط القلام

اتوضّن یالقصايد بالنزاهات
عليچن كون تتوشّحن بحرام

وابمحراب فنّك صلّي إبداع
يشاعر نبي الرحمه ابسوح الكرام

علىٰ اشفار البواشط بايت الدين
مدام الحكم صاير بيد ظلاّم

تشويه المفاخر ترغبه الناس
ويظل چلمة فخر بعيون الغزام

كركتير الغرب تدنيس للدين
صبح بسمة شفاة ابحلگ العلام

من سلمان رشدي الجرح ماطاب
خذت منّه النشاط وعادت اسهام

عادت بالإهانه الغرب چم نوب
كركتير و كتب و انتجت أفلام

أريد الخرسه تحچي ابلا إشارات
واريد اصوات يقضىٰ اتكسّر الجام

أوگف لا تمر ابگاع هالدين
ولا ابسوح القداسه اتحرّك اجدام

معروف النبي ابوحي الله مدروس
واله القرآن يبصم بصمة ابهام

بعد وآنه اشعلي منّك يمغرور
صرت للهادي شاد ابخدمته احزام

أكرر چلمة اكبار المقامات
واذكرك بالمضى امن الحدث چم عام

صوت المرجعيّه ايكون ينعاد
والمهدور دمّه ايصبّح اعدام

تمّت ١٨ ربيع الأوّل عام ١٤٣٦ هـ . ق
بنظم محمدحسن علي العرادي