المشاركة الأصلية كتبت بواسطة عراق الاحبة

سهلة وتهون... العمرلاجلك رخيص
يل غلاتك روح ... وحروفك مطر
.
تدري .. بية .. شلون صاير لو اجيك؟!!
اني قطعة ليل ... ميتة بلا ...گمر
.
وتدري .. من اذكر ... كلامك والوعود
عني اضيع ... ويبقى بس دمعي اثر
.
ذاك بستان الرسايل هسة وييييين ؟!!
لا خضار.... ولا طيور.... ولا شجر
.
زحمة اشكيلك .. واراويك الجروح
زحمة تشكي هموم واليسمع ..... صخر
.
شلون لون الحب بعد رايد.. يصير ؟
باهت ومثل الغياب ؟؟. ذابل ومثل السهر؟؟
.
لو تريده بلون .... لجماتك يكون
احمر وبيه خط سواد ... من القهر ؟
.
كافي ..عاد ... البية مو هين اگول
حيرة المجتوف ..... گدام الخطر ...
.
لا ايدين ويشگف ...... الموت اليريد
يبدي بعيونه .... ويتركه بلا نظر
.
ياكل بگلبي ... الندم ... ما بقّى بيهْ
عود باجر من تجي…. ..... لم الوذر

Neo


15/1/2015