تعبت من الصداقة وضيم الايام
وردت بس مرة افهمهم كلامي
صديقي الي احسبه زين وياي
سلمت وبالجذب مارد سلامي
رجعت أعليه وكلتله اشبيك يافلان
وبنظرة تعجب وكف كدامي
سكت والسكته سكته وماطلع صوت
رد أعليه وحلفته بأيامي
بعد كل هذا ورد وحجه وكال
انه اترجاك بس افهم غرامي
كتله أشبيك قابل غالط وياك
رد وكال أغلطت انته أبمنامي
مو كله صدك ياخيي الاحلام
كال انه صدك تطلع احلامي
كتله اشبيك هسه وليش زعلان
كلي انته خنتني وشفت ثاني
كتله اشلون ابدلك وانت دنياي
وانت النفس بيه وانت شرياني
كال اسمع تعوفه وتجي وياي
لو وياه تمشي وبعد تنساني
منو هذا العوفه وبعد ما حاجيه
راح وحدي بحيرتي واشلون خلاني
متعجب حلم ويغير الناس
بس تدري كلامه حيل اذني
اذا هذا اليحبك اتغيره الاحلام
يا كلبي اليضدك منه شمتاني