المشاركة الأصلية كتبت بواسطة *ضيَاء ألصَــــــافي*

بسم الله راح ابدي على كد ممشاي.. وانتم عينكم وياي أخوكم طاب شِده وخاف يتعثّر

راح أبدي على بختك وانا مامسؤل..
انت الورطتني وشوف عاد هناك انوشن جِفّة المعبر

كتلي اكتب قصيده وانتَ هينه عليك
.. شكتب ياقصيدة ويابحر ينطَّر

ها ابدي أمير , اتوكل بممشاي؟ ..
يعني اتوضى اروح او ارجع اتحظّر

يعني الناصرية وداعتج مجبور
.. راح اكشف انگابݘ منݘ اتعذّر

راح احݘي عل حسنݘ والجمال البيݘ
.. شيب راس گلبي وبعد ما اگدر

ياشمة گصب تتغازل وي الهور
...طگ روجه على روجه وگام يتبختر

يادلة مضيف بݘف ربى على الها..
ها هوسة معزَب صار ݘفه أسمر

من يندب يصيح بحرگة المهوال..
(آنا ابن العزّب بهدومه)
يا فالة مسودن بيه شاخت موت..
تخزر خطف ضل الشامت من يمر

توهدن طب عليها بثورة العشرين..
من غم راي امك . رد ولك تگدر

خيرتك اثنين بكيفك انته اختار..
طگ مگوار يرهم لو طعن خنجر

ياوصفة مِلاح شطُعم ملح البيݘ.
الي يذوب بغرامݘ دهره ضل يسهر

ماتوصل الفكرة وداعتݘ للناس..
شوصّف ياطبيعة البيݘ يامظهر

اكو ناس التعدو ,بيݘ من وصفوݘ..
ياشجره الخبيثه وداعتݘ يعثر

وحگ من بان أمر الكون بآيه
وي حسنݘ ربيت بزغر بايه
التمرجح حِسب روحه صعد بايه
ايتمزلك لأن فوگه الناصريه


وأعنذر من حبيبتي الناصرية

بقلمي اليوم
23/12/2014