البارحة ما نمت ليلي

لحظة مريت بخيالي


لحظة فززت الاوجاع

والتناقض والقناع

الجان خافيته الليالي


لحظة فززت الطباع

والصراع

الحاولت الغيه ببالي


لحظة من مثلت بيها

دور محبوب ومثالي


دور عاشق من زمن جدا بعيد

يخلق الحب السعيد

دور عاشق بس خيالي

جدا هواي خيالي


ولحظة مريت بخيالي


تذكرت كل السذاجة

الجنت اعيش وياك بيها

وبيها لحظات ارتجالي


لحظة بيها هواي احبك

او .....

جنت احبك

ولاجلك اكتم انفعالي


تذكرت من جنت اغلي

بداخلي جنت انه اغلي

وانت ردك لا ابالي


تذكرت كل الشريط

من تعثر بدايتنا

وحتى لحظة انفصالي


لحظة بيها الزمن حال

بين واقع او محال


بين حالي وياك جان

وببدونك هسه حالي


البارحة ........